ვიეტნამში პოლიციამ დაახლოებით 345 000 გამოყენებული პრეზერვატივის კონფისკაცია მოახდინა, რომლებსაც ასუფთავებდნენ და ხელახლა ყიდდნენ.

ამ კვირაში ვიეტნამის სახელმწიფო ტელევიზია VTV-ში ბინ-დუონგის სამხრეთ პროვინციის ერთ-ერთი საწყობის იატაკზე მიმობნეული პარკები აჩვენეს, რომლებიც გამოყენებული პრეზერვატივებით იყო სავსე.

პოლიციის თქმით, პარკები ჯამში 360 კილოგრამს იწონიდა, რაც დაახლოებით 345 000 პრეზერვატივის ეკვივალენტურია.

საწყობის მფლობელმა თქვა, რომ ისინი "გამოყენებულ პრეზერვატივებს ყოველთვიურად იღებდნენ უცნობი პიროვნებისგან".

პოლიციის მიერ დაკავებულმა ქალმა განაცხადა, რომ გამოყენებულ პრეზერვატიცებს ჯერ წყალში ადუღებდნენ, შემდეგ აშრობდნენ და ხელახლა აძლევდნენ ფორმას ხის ფალოსების გამოყენებით, ბოლოს ფუთავდნენ და ყიდდნენ.

VTV-ს თქმით, უცნობია, უკვე რამდენი ხელახლა გადამუშავებელი პრეზერვატივი გაიყიდა. დაკავებულმა ქალმა თქვა, რომ გადამუშავებული პრეზერვატივების თითოეულ კილოგრამზე ის $0.17-ს იღებდა.