პროკურორ დავით გუმბერიძის განცხადებით, თამარ ბაჩალიაშვილის ოჯახის ადვოკატის ტელეფონში დაფიქსირებული ინფორმაცით, შესაძლოა, რამიშვილს სცოდნოდა ფოტოების ფალსიფიკაციაზე.

"ის ინფორმაცია, რაც მიხეილ რამიშვილის ტელეფონში ფიქსირდება, ცალსახად ადასტურებს იმ გარემოებას, რომ შესაძლებელია, რა თქმა უნდა, ადვოკატი ინფორმირებული იყო, რომ დავით ფურცხვანიძე არასწორ და ცრუ ინფორმაციას უგზავნიდა", — განაცხადა პროკურორმა.

მიხეილ რამიშვილი დღეს სასამართლოში გამოკითხვაზე იმყოფებოდა. ის მაგისტრი მოსამართლის თანდასწრებით გამოიკითხა. საქმე რამიშვილის მიერ წარდგენილ სატელიტის ფოტოებს ეხებოდა, რომელიც პროკურატურამ გაყალბებულად ცნო. რამიშვილმა დაკითხვიდან გამოსვლის შემდეგ განაცხადა, რომ იგი მხოლოდ იმ შემთხვევაში დაიჯერებს ფოტოების სიყალბეს, თუ პროკურატურა მას ნამდვილ მასალას მოუტანს.

"მე მჯერა ერთი რაღაცის, რომ ავტომობილი იქ ნამდვილად არ იდგა. მაშინ დაამტკიცოს ჩვენმა პროკურატურამ და დამიდოს 18-დან 22 ივლისამდე ფოტოსურათი ნამდვილი და დავრწმუნდები, რომ ფურცხვანიძის მიერ მოტანილი სატელიტის ფოტოები არის ყალბი", — განაცხადა რამიშვილმა.

სატელიტის ფოტოებზე გამოძიება მტკიცებულებათა ფალსიფიკაციისა და კომპიუტერულ სისტემაში უნებართოდ შეღწევის ფაქტზე საქართველოს სისხლის სამართლის კოდექსის 284-ე მუხლის პირველი ნაწილითა და 369-ე პრიმა მუხლის პირველი ნაწილით მიმდინარეობს.

ამავე თემაზე: