ევროპული საქართველოს ერთ-ერთი ლიდერი, ფოთის, ხობისა და სენაკის მაჟორიტარობის კანდიდატი, გიგა ბოკერია გიორგი გახარიასა და აშშ-პრეზიდენტის მრჩეველს უსაფრთხოების საკითხებში, რობერტ ო ბრაიანს შორის სატელეფონო საუბარს ეხმაურება.

ჟურნალისტის კითხვაზე, სინამდვილეში იყო თუ არა საუბარი ბრაიანსა და გახარიას შორის კრიტიკულ თემებზე და ხომ არ ცრუობს მთავრობა, როდესაც საუბრობს, რომ თემა იყო თანამშრომლობის გაღრმავება, ბოკერიამ აღნიშნა, რომ საზოგადოება ხშირად მიჩვეულია, როდესაც ირკვევა, რომ მთავრობა მოკლე გათვლიან სიცრუეს იძახის და ფარავს შინაარს, თუკი ეს მათთვის არახელსაყრელ თემებს ეხება.

ბოკერიას თქმით, კარგია რომ შეერთებულ შტატებს, მთავარ სტრატეგიულ პარტნიორს აქვს მუდმივი ყურადღება საქართველოში მიმდინარე პროცესებთან დაკავშირებით, თუმცა როგორც მისივე თქმით, მთავარი პრობლემა არის ის, რომ საქართველოს არ ჰყავს მთავრობა, რომელიც დაიცავს და გაატარებს ქვეყნის ინტერესებს.

"ჩვენ ხშირად მიჩვეულები ვართ, როდესაც ირკვევა, რომ ჩვენი მთავრობა მოკლე გათვლიან სიცრუეს იძახის და ფარავს შინაარს, თუკი ეს მათთვის არახელსაყრელია ჩვენ მთავარ პარტნიორებთან საუბრისას, მათ შორის შეერთებულ შტატებთან.

კარგია, რომ შეერთებულ შტატებს აქვს მუდმივი ყურადღება საქართველოში მიმდინარე პროცესებთან დაკავშირებით, როგორც უსაფრთხოების და სუვერენიტეტის, ისე დემოკრატიის თვალსაზრისით, ეს დიდი ფაქტორია, რომ ის უჭერს ქართველი ხალხის სურვილს იყოს თავისუფალი, სუვერენული და დემოკრატიული ქვეყანა.

ჩვენი მთავრი პრობლემა არის ის, რომ ჩვენ არ გვყავს მთავრობა, რომელიც დღეს საქართველოს ინტერესებს დაიცავს და გაატარებს, მათ შორის ჩვენ პარტნიორებთან და ექნება ხედვა და ეს პრობლემა უნდა გადავჭრათ ერთი თვის შემდეგ არჩევნების გზით და უნდა მოვიტანოთ ცვლილებები, რათა აქტიური მთავრობა გვყავდეს, რომელიც იყენებს ყველა რესურს, მათ შორის შეერთებული შტატების მხარდაჭერას ქვეყნის ინტერესების დასაცავად", — აცხადებს გიგა ბოკერია.