3-წლიანი ქორწინების შემდეგ, Cardi B-მ ქმართან, რეპერ Offset-თან განქორწინებაზე შეიტანა საბუთები.

წყვილს შვილი ჰყავს ერთად, 2 წლის ქალჩერი. სასამართლოში წარდგენილი დოკუმენტების მიხედვით, ქარდი ბი შვილზე მეურვეობას ითხოვს, თუმცა სურს, რომ მის აღზრდაში წვლილი ოფსეტმაც შეიტანოს. პირველი მოსმენა 4 ნოემბერსაა ჩანიშნული.

იანვარში ქარდიმ Vogue-თან ინტერვიუში ისაუბრა, თუ რატომ დარჩა ოფსეტთან ღალატზე არსებული მითქმა-მოთქმის მიუხედავად:

"როცა მე და ჩემი ქმარი პრობლემების წინაშე დავდექით, როგორიც იყო ღალატი და სხვა საკითხები, გადავწყვიტე მასთან დავრჩენილიყავი და ამაზე ერთად გვემუშავა. ჩემი გადაწყვეტილებით, უამრავი ადამიანი გავაბრაზე. უამრავ ქალს იმედი გავუცრუე. მაგრამ, რეალურ ცხოვრებაში, როდესაც ვიღაც გიყვარს და მასთან ყოფნას წყვეტ, დეპრესიაში ვარდები. სოციალური მედია კი მოგიწოდებს, რომ არც კი ილაპარაკო მოღალატესთან. მაგრამ, სანამ ეს საუბარი არ შედგება, შინაგან ბედნიერებას ვერ იგრძნობ. შემდეგ მას უბრუნდები და ყველა გეკითხება, 'ეს როგორ გააკეთე? ყველას იმედი გაგვიცრუე'. როცა ადამიანები წლები არიან ქორწინებაში და ფიცის დროს ამბობენ, რომ მხოლოდ სიკვდილი დააშორებთ, ისინი არ ითვალისწინებენ პატარ-პატარა კონფლიქტებს, როგორიცაა, 'რატომ დატოვე მაცივრის კარი ღია', არადა ეს ფიცი ყველაფერს მოიცავს".

View this post on Instagram

Give it to Bardi

A post shared by Cardi B (@iamcardib) on

2020 წლის 20 სექტემბერს წყვილის ქორწინების სამი წლის იუბილე სრულდებოდა. ისინი 2017 წელს საიდუმლოდ დაქორწინდნენ და მხოლოდ ამის შემდეგ, ოქტომბერში სთხოვა ოფსეტმა მას ხელი კონცერტზე საჯაროდ.