ხელნაკეთი ნივთებსა და აქსესუარებზე მოთხოვნა და ინტერესი დღითიდღე მატულობს, განსაკუთრებით წინასაშობაო პერიოდში.

ასეთ დროს მნიშვნელოვანია სწორი არჩევანის გასაკეთებლად კარგი ადგილები ვიცოდეთ. საქართველოში დამზადებული 7 არაჩვეულებრივი საახალწლო საჩუქარი უკვე გაგაცანით, ახლა კი მერვეს გთავაზობთ.

Coquette (კოკეტი)

ფოტო: Coquette / Facebook

Coquette 2009 წელს დაარსდა და უკვე 7 წელია რაც არსებობს. ის მოიცავს ქალის ხელნაკეთ აქსესუარებს. აქ შეგხვდებათ ყელსაბამები, ბეჭდები, საყურეები, ქამრები, ბროშები, თმისსამაგრები, ქუდები, კაშნეები, ხელთათმანები.

მაღაზიაში იღებენ შეკვეთებსაც, ასე რომ საშობაო აქსესუარის იდეა შეიძლება თავად მოგაფიქრდეთ, რომელსაც ფრთებს "კოკეტში" შეასხამენ.

მაღაზიაში არის ყველა ასაკის ქალბატონის შესაფერისი აქსესუარი და ფასიც ყველასთვის ხელმისაწვდომია.

ბრენდს ცალკე აქვს საბავშვო აქსესუარების ხაზი

ასევე საქორწილო აქსესუარების ხაზიც

ბრენდის ერთ-ერთი დიზაინერის, მაიკო გაგუას თქმით, თავიდან მხოლოდ პერსონალურ გამოფენები ეწყობოდა, თუმცა მას შემდეგ რაც მის მიმართ ინტერესი გაიზარდა, "კოკეტმა" მოდის კვირეულზეც მიიღო მონაწილეობა.

მაღაზია სავაჭრო ცენტრ ჯითისი-ში პირველ სართულზე მდებარეობს.

ფოტო: Coquette / Facebook