ახალი წლის მოახლოებასთან ერთად აქტუალური ხდება კითხვა: რა ვაჩუქო? მართლაც და, რა ვაჩუქოთ საყვარელ ადამიანს, ოჯახის წევრს, სიქრეთ სანტაში ამოსულ ობიექტს, მეგობარს? ამაზონზე საჩუქრის არჩევისგან ყველა ვიკავებთ თავს, მაღაზიებში კი რამე ორიგინალურის პოვნა ძალიან რთულია. ჩვენ გირჩევთ, არჩევანი ქართველ ხელოვანებსა და მეწარმეებზე შეაჩეროთ. ამით ქართულ პროდუქტსაც დაუჭერთ მხარს და თქვენთვისაც გაიადვილებთ საქმეს.

1. QISA

ქისა საქართველოში შექმნილ სასაჩუქრე ნაკრებს გთავაზობთ, რომელშიც მისალოცი ბარათი, შეფუთვა, საახალწლო ხის სათამაშოები და მთავარი საჩუქარი შედის. ასეთი საჩუქარი განსაკუთრებით მაშინ გამოგადგებათ, თუ ზუსტად არ იცით ადამიანის გემოვნება და არ გსურთ, შეცდომა დაუშვათ. თან, შეფუთვაც აღარ დაგჭირდებათ.

ფოტოზე მოცემული ქისა თავისი შიგთავსით 70 ლარი ღირს.

2. Brag

იცით, რომ საქართველოში ასეთი ორიგინალური ჩანთები იქმნება? დიზაინი მრავალფეროვანია (ფორმის, ფერის, ქსოვილის მიხედვით), მიწოდება კი - სწრაფი. კომპანია სხვა ქართული სტარტაპების მსგავსად კლიენტებთან საკომუნიკაციოდ Facebook-ის გვერდს იყენებს.

ქვემოთ მოცემული ჩანთა, რომელიც ყველა საახალწლო წვეულებაზე გამოგადგებათ, 55 ლარი ღირს.

3. AlterSocks • ალტერსოქსი

ალტერსოქსს უკვე ჰყავს კლიენტების დიდი არმია. ამ მხიარულ წინდებს ნახავთ გუდვილის სავაჭრო ცენტრში, პიქსელში, East point-სა და თბილისი მოლში. არჩევანი მრავალფეროვანია და სულ ახლახან კოლექციას კიდევ რამდენიმე მოდელი დაემატა. ერთი წყვილის ფასი 7.50 ლარიდან 8.50 ლარამდეა, თუმცა სამი წყვილის შეძენის შემთხვევაში მოქმედებს ფასდაკლებაც. კონსულტანტები, რომლებიც ალტერსოქსის სტენდებთან მუშაობენ, თქვენ მიერ შერჩეულ წინდას ლამაზად შეგიფუთავენ და გაგატანენ ადრესატთან.

ესეც საახალწლო დიზაინი.

4. Animal Made

ნაქსოვი ტანისამოსი და ცხელი სასმელი ზამთრის განუყრელი ატრიბუტებია. Animal Made-მა ეს ორი რამ გააერთიანა და ჭიქები კრეატიულად შემოსა. მათთან ერთად ყველანაირ სიცივეს გადაურჩება ადამიანი. რა შეიძლება იყოს ამაზე უფრო კრეატიული? შეკვეთა Facebook-ის საშუალებით შეგიძლიათ და მიწოდებაც უმოკლეს ვადებში ხდება.

ქვემოთ მოცემული თბილად ჩაცმული ჭიქის ფასი სულ რაღაც 15 ლარია.

5. Musya's Crafts

ხისგან დამზადებული ბეჭდები, საყურეები და გულსაბნევები არაჩვეულებრივი საჩუქარი იქნება თქვენი ხელოვანი ან ხელოვნებისმოყვარული მეგობრებისთვის. ფორმები - ორიგინალურია, ფერები - ხასხასა. სამკაულების შეძენა Facebook-ით ან მაღაზია 17 კვადრატში შეგიძლიათ.

გვერწმუნეთ, 80-იანების დისკოს თემაზე შექმნილი ეს აქსესუარები არავის დატოვებს გულგრილს.

6. Moriarty

მორიარტი შემოქმედებითი ბრენდია, რომელიც 2014 წელს დაარსდა და მას შემდეგ მომხმარებელს ორიგინალურ სასაჩუქრე იდეებს სთავაზობს. პოსტერები მათი ერთ-ერთი მიმართულებაა. თქვენ საშუალება გეძლევათ სასურველი ფოტო ილუსტრაციად აქციოთ და საყვარელ ადამიანს სიმბოლური, თქვენივე ფანტაზიითა და გემოვნებით შექმნილი პოსტერი აჩუქოთ.

დამატებითი ინფორმაცია იხილეთ ვებგვერდზე Moriarty.ge.

მაგალითისთვის, მათ მიერ შესრულებული ერთ-ერთი ნამუშევარი ასე გამოიყურება.

7. Nido

Nido.ge ინტერნეტმაღაზიაა, რომელშიც ქართული ხელნაკეთი ნივთები უხვადაა წარმოდგენილი. ამჟამად საახალწლო დეკორაციებზე 50%-მდე ფასდაკლებაა. ფასები ხელმისაწვდომია და ნამუშევრები ეკოლოგიურად სუფთა მასალებისგან მზადდება. 35 ლარზე მეტი შენაძენის შემთხევაში ადგილზე მიტანა უფასოა.

ეს საახალწლო დეკორაცია ქართველი არტისტის, დათო კაჭარავას მიერ არის შექმნილი.