გურიაში კორონავირუსის კიდევ 6 პირს დაუდასტურდა. როგორც გურიის დაავადებათა კონტროლის ეროვნული ცენტრის ხელმძღვანელმა, არჩილ მჟავიამ On.ge-ს განუცხადა 2 შემთხვევა ლანჩხუთში, 4 კი ოზურგეთში დაფიქსირდა.

მჟავიას განმარტებით, ეს 6 პირი დღეს დაფიქსირებულ 87 შემთხვევას შორის არ არის. მისივე თქმით, ახალი დადასტურებული შემთხვევები თითქმის უსიმპტომოა და ისინი PCR ტესტირებით გამოავლინეს.

11 სექტემბრის დილის მონაცემებით, საქართველოში კორონავირუსის 87 ახალი შემთხვევა იყო გამოვლენილი, გამოჯანმრთელებულთა რიცხვი კი დღეს 20-თ გაიზარდა.

დილის მონაცემებით, ჯამში ქვეყანაში კორონავირუსის 1 917 დადასტურებული შემთხვევაა, მათ შორის გამოჯანმრთელდა — 1 354, გარდაიცვალა — 19.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: