საქართველოს პრეზიდენტი, სალომე ზურაბიშვილი 2001 წლის 11 სექტემბერს ამერიკის შეერთებულ შტატებში მომხდარი ტერაქტის შესახებ ტვიტერზე დაწერა, რომ 19 წლის შემდეგ, საერთაშორისო უსაფრთხოებისა და მშვიდობისათვის ქართველი ხალხი ამერიკელი ხალხის გვერდით დგომასა და ბრძოლას აგრძელებს.

"19 წლის წინ, 11 სექტემბრის ტერაქტმა შოკში ჩააგდო ამერიკა და მთელი მსოფლიო. დღეს, ჩვენ ისტორიაში ყველა შემზარავი ტერორისტული აქტის შედეგად დაღუპულებს ვიხსენებთ. 19 წლის შემდეგ, საერთაშორისო უსაფრთხოებისა და მშვიდობისათვის ქართველი ხალხი ამერიკელი ხალხის გვერდით დგომასა და ბრძოლას აგრძელებს".

9/11 ამერიკის ისტორიაში ერთ-ერთი ყველაზე ტრაგიკული დღის აღმნიშვნელია. ამ დღეს ალ ქაიდას ტერორისტებმა United Airlines-ის ორი გატაცებული თვითმფრინავი დილით, სამუშაო დღის დაწყებისას ნიუ-იორკის ორ ცათამბჯენს დააჯახა. შედეგად, 2 996 ადამიანი დაიღუპა.