პრემიერმინისტრმა, გიორგი გახარიამ განაცხადა, რომ კორონავირუსის მეორე ტალღას შემოდგომისთვის ვარაუდობდნენ და ეს ტალღა იწყება.

"ბოლო დღეების განმავლობაში, აშკარად ფიქსირდება ინფიცირებულების რაოდენობის ზრდა. 57 შემთხვევა, რომელიც გვაქვს დღეს და გუშინ გვქონდა 44 შემთხვევა, პირდაპირ მიუთითებს, რომ ეპიდემიოლოგიური მდგომარეობა ქვეყანაში, ნელ-ნელა, იცვლება. როგორც ჩვენ ვვარაუდობდით მეორე ტალღას, ფაქტობრივად, ეს პროცესი იწყება", — განაცხადა პრემიერმინისტრმა.

პრემიერმინისტრის თქმით, იმისთვის, რომ სიტუაცია იყოს მართვადი, მოუწევთ, ადამიანების არასაბაზისო მოთხოვნებზე შეზღუდვების დაწესება.