ნორვეგიელმა დეპუტატმა აშშ-ს პრეზიდენტი დონალდ ტრამპი 2021 წლის მშვიდობის დარგში ნობელის პრემიაზე წარადგინა. ამის შესახებ დეპუტატმა ქრისტიან თიუბრინგ-იედემ FOX News-ს განუცხადა.

როგორც ის ამბობს, ტრამპი ისრაელსა და არაბთა გაერთიანებული საამიროებს შეთანხმების გაფორმებაში დაეხმარა.

"მისი დამსახურებების გამო, ვფიქრობ, მგონია, რომ მან იმაზე მეტი გააკეთა ერებს შორის მშვიდობის დამყარებისთვის, ვიდრე მშვიდობის დარგში ნობელის პრემიის ბევრმა ნომინანტმა", — განაცხადა მან.

თიუბრინგ-იედემ ტრამპის კანდიდატურა ნობელის პრემიაზე 2018 წელსაც წარადგინა, როცა აშშ-ს პრეზიდენტი ჩრდილოეთ კორეის ლიდერს შეხვდა.

"ტრამპის დიდი მხარდამჭერი არ ვარ. კომიტეტმა ფაქტებს უნდა შეხედოს და ფაქტებით უნდა იმსჯელოს და არა იმის მიხედვით, თუ როგორ იქცევა ის ხანდახან", — აღნიშნა ნორვეგიელმა დეპუტატმა.

ტრამპს აქამდე ნათქვამი აქვს, რომ ნობელის პრემიას იმსახურებდა. მას შემდეგ რაც ეთიოპიის პრემიერმინისტრმა აბი აჰმედმა მიიღო პრიზი, ტრამპი ამბობდა, რომ აფრიკის ქვეყნებს შორის მშვიდობის დამყარებაში საკვანძო როლს თამაშობს.