ტექნიკის მაღაზიათა ქსელი გრანდ ელექტრონიქსი მომხმარებელს კვლავ ანებივრებს დიდი ფასდაკლებებით: პარასკევს, 11 სექტემბერს, კომპანიის ყველა ფილიალში ფასდაკლებები ამჯერად იაპონური ტექნოლოგიური გიგანტის, SHARP-ის პროდუქციას შეეხება.

გრანდიოზული ფასდაკლებების 12 პარასკევი "შავ პარასკევამდე" - ასეთია გრანდ ელექტრონიქსის სიურპრიზების სერიები თავისი მომხმარებლისთვის. ყოველ პარასკევს გრანდ ელექტრონიქსის ქსელებში ფასდაკლებების სერია ერთ კონკრეტულ ბრენდს შეეხება.

11 სექტემბერს გრანდ ელექტრონიქსის ყველა ფილიალში ფასდაკლებით SHARP-ის პროდუქცია იქნება წარმოდგენილი.

იაპონური ტექნოლოგიური გიგანტი

SHARP-ის ბრენდი მსოფლიოში ტექნიკის ნებისმიერ მოყვარულს გაუგია. ინოვაცია, ეკოლოგიურობა, ჭკვიანი ტექნოლოგიები და ახლებური ხედვები თუ გადაწყვეტები — სწორედ ესაა იაპონური ტექნიკის გიგანტის ბრენდის დაპირება მომხმარებლისთვის.

ბრენდი არსებობის საუკუნოვანი ისტორიით სამართლიანად ამაყობს.

"გულწრფელობა და შემოქმედება" იაპონური ბიზნესის კრედოა, ბრენდის, რომელიც 21-ე საუკუნის თანამედროვე ცხოვრების სტილს განსაზღვრავს. თანამედროვე ტექნოლოგიები და დახვეწილი დიზაინი ამ იაპონური ტექნიკის გიგანტის თითოეულ პროდუქტშია შერწყმული.

საქართველოში SHARP-ის ექსკლუზიური დისტრიბუტორი ტექნიკის მაღაზიათა ქსელი გრანდ ელექტრონიქსია.

"იაპონური ბრენდი საქართველოში, ძირითადად, მსხვილი ტექნიკითაა წარმოდგენილი", — აღნიშნავს გრანდ ელექტრონიქსის მარკეტინგის ხელმძღვანელი, ნინი ნიქაბაძე. "მაცივრების, ჭურჭლის სარეცხი მანქანებისა და ჰაერის დამატენიანებლების ბოლო, ე.წ. "ჭკვიანი: მოდელები ექსკლუზიურად მხოლოდ ჩვენს ქსელში იყიდება", — ამბობს ის.

აღსანიშნავია ისიც, რომ სამივე პროდუქტს თანამედროვე დიზაინი და ყველა ის მახასიათებელი გააჩნია, რაც ასე საჭიროა თანამედროვე ადამიანის ცხოვრებაში.

მაგალითად, ვერტიკალურკამერიანი მაცივარი დამოუკიდებელი ჰაერის მიწოდების სისტემით "გაყინვის გარეშე" პრინციპით მუშაობს. ინტეგრირებული წყლის დისპენსერი კი ისეა დაერთებული წყალგაყვანილობის სისტემაზე, რომ მაცივარში წყალი დამოუკიდებლად ცირკულირებს და სასურველ გრადუსამდე ცივდება. აქვე იფილტრება წყალიც. გარდა ამისა, განსაკუთრებული ტევადობის მქონე მაცივარში თაროები ისეა განლაგებული, რომ პროდუქტები მაქსიმალურად განცალკევებით იყოს მოთავსებული.

ჭურჭლის სარეცხი მანქანის უახლესი მოდელის მთავარი ღირსება ასევე ჭკვიანი ტექნოლოგიაა. ახლა უკვე აღარაა საჭირო დაიმახსოვრო ყველა რეჟიმი, რითაც ჭურჭლის გარეცხვაა შესაძლებელი. Smart ტექნოლოგიას შეუძლია "ამოიცნოს" ჭურჭლის კატეგორია და მისი დასვრის ხარისხი. მისი მართვა მობილური ტელეფონის მეშვეობითაც არის შესაძლებელი. მანქანა A++ მოდელია, რაც იმას ნიშნავს, რომ ის ენერგოეფექტურია, მაქსიმალურად ზოგავს ენერგორესურსებს და, შესაბამისად, კომუნალურ ხარჯებსაც ამცირებს.

და ბოლოს, ფასდაკლებების სერია ჰაერის გამწმენდებსაც ეხებათ. ეს უნიკალური პროდუქტი სჭირდება არამხოლოდ მათ, ვისაც ოჯახში პატარები ჰყავთ, არამედ ყველას, ვისთვისაც მშვიდი ძილი და ჯანსაღი ორგანიზმი მნიშვნელოვანია. Plasmacluster ტექნოლოგია ანადგურებს ვირუსებსა და მიკრობებს ჰაერში, ახდენს იონიზაციას; HEPA ფილტრი კი მტვერსა და სხვა ალერგიულ ნაწილაკებს აგროვებს. მოწყობილობას გააჩნია აგრეთვე დეზოდორაციის ფუნქციაც, რას ოთახში მთელი დღის განმავლობაში სასიამოვნო სურნელს უზრუნველყოფს. ტაიმერით შესაძლებელია ავტომატური ჩართვა/გამორთვა/გადატვირთვის ფუნქციების გამოყენებაც.

სამივე პროდუქტის განსაკუთრებულ ფასად შეძენა გრანდ ელექტრონიქსის ნებისმიერ ფილიალშია შესაძლებელი მხოლოდ პარასკევს, 11 სექტემბერს, აგრეთვე ვებგვერდზეც.