ამერიკის ხმა Bloomberg Terminal-ის მონაცემებზე დაყრდნობით წერს, რომ ბოლო ერთი თვის მანძილზე, ჩვენს რეგიონში, დოლართან მიმართებაში, ყველაზე მეტად ქართული ლარი გაუფასურდა:

"ლარი თითქმის 12%-ით გაუფასურდა. შემდეგ მოდის: თურქული ლირა - 5,12 %-ით, აზერბაიჯანული მანათი - 4,33 %-ით და სომხური დრამი 0,31 %-ით. ხოლო, რუსული რუბლი ამ მოკლევადიან პერიოდში, დოლართან მიმართ საერთოდ გამყარდა - 3,33 %-ით".

ბოლო ექვსი თვის მანძილზე, ეროვნულმა ბანკმა ლარის კურსის სტაბილიზაციისთვის სავალუტო აუქციონზე, ჯამში 220 000 000 აშშ დოლარი გაყიდა, თუმცა ნახტომისებური გაუფასურების თავიდან აცილება მაინც ვერ შეძლო. ბოლო ასეთი აუქციონი 2 დღის წინ გაიმართა, რომელზეც 40 000 000 აშშ დოლარი გაიყიდა. ამ ვაჭრობის შემდეგ, ლარი კიდევ 4 პუნქტით დაეცა.