საქართველოს ექსპრეზიდენტი და ნაციონალური მოძრაობის პრემიერმინისტრობის კანდიდატი მიხეილ სააკაშვილის აცხადებს, რომ უსამართლო სასამართლო საკუთარ თავზე გამოსცადა. ამის შესახებ მან წინასაარჩევნო დაპირებებისთვის ჩაწერილ ვიდეომიმართვაში ისაუბრა, რომელიც უკრაინაში ჩაწერა.

"საკუთარ თავზე გამოვცადე, რას ნიშნავს უსამართლო სასამართლო. რა, რა და მე ზუსტად ვიცი, რომ ამაზე უფრო საშინელბა არაფერი არ არსებობს. მე, ჩემმა ახლობლებმა და ბევრმა თქვენგანმა გამოსცადეს ეს თქვენს თავზე, მათ შორის, ჩემი პრეზიდენტების დროს. ეს არის ერთ-ერთი ყველაზე მძიმე მახსოვრობა, რომელიც შემომრჩა და ერთ-ერთი ყველაზე მძიმე შეცდომა, რომელიც მე დავუშვი", — განაცხადა სააკაშვილმა ვიდეომიმართვაში, რომელიც მთავარმა არხმა გაავრცელა.

სააკაშვილის ხელისუფლებას ადანაშაულებენ სასამართლო სისტემაზე გავლენების მოპოვებასა და ბოროტად სარგებლობაში. ამაზე საუბრობენ არამხოლოდ მართველ გუნდში, არამედ ოპოზიციასა და სამოქალაქო საზოგადოებაშიც.

ქვეყნიდან წასვლის შემდეგ სააკაშვილი რამდენიმე სისხლის სამართლის საქმეში დამნაშავედ ცნეს და დაუსწრებლად სასჯელიც მიუსაჯეს.

ამავე თემაზე: