ძლიერმა სეტყვამ საგარეჯო ხუთ და გურჯაანის ოთხ სოფელში მოსახლეობა დააზარალა. რუსთავი 2–ის ინფორმაციით, განადგურებულია 150 ჰექტარი ვენახი და მარწყვის ბაღები. ნათესები და ვენახები ასევე დაისეტყვა სიღნაღის ორ სოფელში.

ადგილობრივების ინფორმაციით, ძლიერი სეტყვა, წვიმა და ქარი 15–20 წუთის განმავლობაში გაგრძელდა და მთლიანად გაანადგურა ბაღები. როგორც ისინი აცხადებენ, სეტყვის საწინააღმდეგო დანადგარი გამოიყენეს, თუმცა, დაგვიანებით.

გურჯაანის გამგეობის წარმომადგენლის, ჯემალ შალაშვილის თქმით, სეტყვის საწინააღმდეგო დანადგარიდან ღრუბლების დასაშლელად 6–ჯერ გაისროლეს. გამგეობა დღეიდან ზარალის აღრიცხვას დაიწყებს.