ბელარუსმა თავისი არმიის, თითქმის, ნახევარი დასავლეთის საზღვართან განათავსა. ამის შესახებ ინფორმაცია რუსულმა გამოცემა Tass-მა გაავრცელა.

ლუკაშენკოს თქმით, პოლონეთისა და ლიეტუვის საზღვართან, არსებული "რთული ვითარების" გამო, მინსკი იძულებული გახდა, ქვეყნის ჯარის ნახევარი აღნიშნულ საზღვართან განეთავსებინა.

"საფრთხეებისგან დასაცავად, გროდნო ბელარუსის ჯარითაა გარშემორტყმული. როგორც ჩანს, ამ დემონსტრაციამ შედეგი გამოიღო", — განაცხადა ლუკაშენკომ.

ბელარუსის პრეზიდენტმა კვლავ დაადანაშაულა ნატო საკუთარი სამხედრო ძალების ბელარუსის საზღვრთან გადაყვანაში. ბელარუსის ჯარის დასავლეთის საზღვართან გადაყვანის კიდევ ერთ მიზეზად, სწორედ, ნატოს თვითმფრინავები დაადანაშაულა. ნატო ამ ინფორმაციას უარყოფს.

"თქვენ ხედავთ, რა ხდება ჩვენთან. ჩვენ ვხედავთ, რა ხდება რუსეთის ირგვლივ. ჩვენს საზღვართან ნატოს არამეგობრული ნაბიჯების საპასუხოდ იძულებული გავხდით, პასუხი გაგვეცა. როგორც არ უნდა გაამართლონ, ამ ფაქტზე ბევრი მტკიცებულებაა — ნატომ ამერიკული ქვედანაყოფები ბელარუსის საზღვრთან გადმოიყვანა. მგონი, 16 ან 18-ია", — აღნიშნა ბელარუსის პრეზიდენტმა.

ბოლოს კი ლუკაშენკომ აღიარა, რომ — "მშვიდი ცხოვრება არ იქნება, მაგრამ ბელარუსი მზადაა, საკუთარი სუვერენიტეტი და დამოუკიდებლობა დაიცვას".