დუეინ "როკ" ჯონსონის თქმით, მას და მთელ მის ოჯახს COVID-19 ჰქონდათ.

ყოფილმა ვრესლერმა, რომელიც ახლა მსოფლიოში ყველაზე მაღალანაზღაურებადი მსახიობია, თქვა, რომ მას, მის ცოლსა და ორ გოგონას კორონავირუსი შეეყარათ მიუხედავად იმისა, რომ "მკაცრად" იცავდნენ უსაფრთხოების ზომებს.

მსახიობის თქმით, ტესტირებაზე დადებითი შედეგის ამოსვლა "ძალიან დამთრგუნველი იყო", თუმცა "ახლა ყველაფერი გამოვიარეთ და გადამდები აღარ ვართ. საბედნიეროდ, გამოვჯანმრთელდით".

ჯონსონს, მის ცოლ ლორენსა და ორ გოგონას, 4 წლის ჟასმინსა და 2 წლის ტიანას, ვირუსი ორკვირა-ნახევრის წინ "ოჯახის ძალიან ახლო მეგობრებისგან" გადაედოთ, რომლებმაც არ იცოდნენ, რომ ინფიცირებულები იყვნენ.

"შემიძლია, გითხრათ, რომ ეს ერთ-ერთი ყველაზე რთული გამოწვევა იყო, რომელიც ოჯახს გამოგვივლია", — თქვა ჯონსონმა თავის Instagram-ზე დაპოსტილ ვიდეოში.

"COVID-19-ის ტესტზე დადებითი შედეგის ამოსვლა ძალიან განსხვავდება არასასიამოვნო დაზიანებების დაძლევისგან, ბინიდან გამოსახლებისა თუ გაკოტრებისგან, რაც არაერთხელ გამომივლია. ჩემი ნომერ პირველი პრიორიტეტი ყოველთვის ჩემი ოჯახის დაცვაა. ახლა ძალიან მადლიერები ვართ, რადგან კარგად გვესმის, რომ ყოველთვის ვერ ხერხდება COVID-19-ის დამარცხება და ვირუსის შემდეგ უფრო ჯანმრთელად და ძლიერად ყოფნა. საგონებელში მაგდებს ის ფაქტი, რომ ვიღაც ადამიანები, მათ შორის პოლიტიკოსები, პირბადის ტარების იდეას იღებენ და თავიანთი პოლიტიკური პროგრამის ნაწილად აქცევენ. პოლიტიკა აქ არაფერ შუაშია. ატარეთ პირბადე. ეს ფაქტია. და ეს სწორია", — თქვა მსახიობმა.