დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოს პრემიერმინისტრის, გიორგი გახარიას განცხადებით, მოსახლეობამ სოციალური დისტანცია ისევ მკაცრად უნდა დაიცვას და პირბადე შემუშავებული რეკომენდაციის შესაბამისად ატაროს.

"არ აქვს არანაირი მნიშვნელობა სად ვართ, ბათუმში, თბილისში, თელავში თუ სხვაგან. უნდა დავიცვათ სოციალური დისტანცია, უნდა ვატაროთ პირბადეები და არა ფორმალურად, არამედ როგორც ეპიდემიოლოგები და ექიმები რეკომენდაციას უწევენ და სერიოზულად მოვეკიდოთ ჩვენი თანამოქალაქეების ჯანმრთელობას", — განაცხადა გახარიამ მთავრობის სხდომაზე.

სამი სექტემბრის მონაცემებით, საქართველოში კორონავირუსის 20 ახალი შემთხვევა დადასტურდა, გამოჯანმრთელებულთა რიცხვი კი 9-ით გაიზარდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 568-მდე გაიზარდა, გამოჯანმრთელებულია 1 279 ადამიანი, გარდაცვლილი კი — 19. კარანტინის რეჟიმში რჩება 6 185 პირი, სტაციონარში მეთვალყურეობის ქვეშ კი 239 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: