რეჟისორ გიორგი ოვაშვილს საფრანგეთის კულტურის მინისტრის ოდრე აზულეს გადაწყვეტილებით საფრანგეთისა და მსოფლიოს კულტურაში შეტანილი განსაკუთრებული წვლილისთვის ხელოვნებისა და ლიტერატურის ორდენის კავალერის წოდება მიენიჭა.

კარლოვი ვარისა და სხვა საერთაშორისო ფესტივალების გამარჯვებულ ქართველ რეჟისორს ჯილდოს საფრანგეთის ელჩი პასკალ მენიე გადასცემს.

გიორგი ოვაშვილს ფრანგული კინოსამყაროს წარმომადგენლებთან მრავალწლიანი პარტნიორული ურთიერთობა აკავშირებს. მისი ერთ-ერთი გახმაურებული პროექტი სიმინდის კუნძული სწორედ საფრანგეთის სახელმწიფოს თანადაფინანსებით განხორციელდა.

აღსანიშნავია, რომ ხელოვნებისა და ლიტერატურის კავალერის წოდება სხვადასხვა წლებში ტიმ ბარტონს, ენგ ლის, ჯუდ ლოუს, ჯორჯ ქლუნის, უმა თურმანს, ქეით ბლანშეტს, მარიონ კოტიარს, ვანეს პარადისსა და სხვა ხელოვანებს გადაეცათ.

შეგახსენებთ, რომ გიორგი ოვაშვილის ტრილოგიის ბოლო ფილმი ხიბულა, რომელიც ზვიად გამსახურდიას ცხოვრების უკანასკნელ წლებს ეძღვნება ეკრანზე 2017 წელს გამოვა.