დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის თქმით, საქართველომ ვაქცინების გლობალურ ალიანსში მონაწილეობასთან დაკავშირებით განაცხადი უკვე გააკეთა. ამის შესახებ ამირან გამყრელიძემ საკოორდინაციო საბჭოს წევრების ბრიფინგზე ისაუბრა.

"შეკვეთილია მოსახლეობის 20 პროცენტის მოცვით, დაახლოებით 700 000 ათასი ადამიანის ასაცრელი მასალა", — განაცხადა გამყრელიძემ.

მისი თქმით, როცა ვაქცინა დამტკიცდება ის ჩვენი მოსახლეობისთვის, პირველ რიგში კი, რისკ ჯგუფებისთვის ხელმისაწვდომი იქნება.

2 სექტემბრის მონაცემებით, საქართველოში კორონავირუსის 38 ახალი შემთხვევა გამოვლინდა, დადასტურებული შემთხვევებიდან კი 5 პირის წყარო უცნობია.

ჯამში, საქართველოში კორონავირუსის დადასტურებულ შემთხვევათა რაოდენობა 1 548-მდე გაიზარდა, გამოჯანმრთელებულია 1 270 ადამიანი, გარდაცვლილი კი — 19. კარანტინის რეჟიმში რჩება 6 059 პირი, სტაციონარში მეთვალყურეობის ქვეშ კი 239 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: