თავდაცვის მინისტრი, ირაკლი ღარიბაშვილი ექსპრეზიდენტს, მიხეილ სააკაშვილს "ბრიყვსა" და "შეშლილ მანიაკს" უწოდებს. ასე გამოეხმაურა თავდაცვის მინისტრი ექსპრეზიდენტის წინასაარჩევნო ვიდეომიმართვას, სადაც მან საქართველოში დაბრუნების მორიგი პირობა დადო.

მისივე თქმით, დღეს საქართველოში სხვა რეალობაა და ამომრჩეველი კარგად აფასებს, როგორც სააკაშვილის მემკვიდრეობას, ასევე, მის დანატოვარსა და დაპირებებს.

27 აგვისტოს საქართველოს ყოფილმა პრეზიდენტმა, მიხეილ სააკაშვილმა საკუთარ ფეისბუქგვერდზე ვიდეომიმართვა გაავრცელა, სადაც ის ამომრჩეველს ისევ ჩამოსვლას ჰპირდება, თუმცა ამჯერად არ აკონკრეტებს როდის. მმართველი გუნდის წარმომადგენლებმა ვიდეომიმართვის საპასუხოდ განაცხადეს, რომ მიხეილ სააკაშვილს დაბრუნების შემთხვევაში საქართველოში მართლმსაჯულება დახვდება.