თურქეთში რუსეთის ელჩზე თავდამსხმელის ოჯახის წევრები, და და დედა დააკავეს. ინფორმაციას CNN Turk-ზე დაყრდნობით Hurriyet Daily News ავრცელებს.

თურქეთის პრო-სახელისუფლებო მედია, ასევე, 22 წლის თავდამსხმელის გიულენთან სავარაუდო კავშირზეც საუბრობს. Daily Sabah-ის ინფორმაციით, გავრცელდა კონკრეტული დოკუმენტი, რომელიც ამტკიცებს, რომ თავდამსხმელმა 16 და 18 ივლისს 2 დღიანი შვებულება აიღო, ზუსტად მას შემდეგ, რაც 15 ივლისს თურქეთის სამართალდამცავთა ნაწილმა გადატრიალების გზით ხელისუფლების შეცვლა სცადა.

19 დეკემბერს, თურქეთში რუსეთის ელჩი, ანდრეი კარლოვი დაჭრეს. ჭრილობების შედეგად, კარლოვი მალევე დაიღუპა.