ეროვნული ბანკი გაცვლითი კურსის ბოლო პერიოდის გაუფასურების მიზეზების შესახებ განცხადებას აქვეყნებს და წერს, რომ იგი დოლარის გლობალურმა გამყარებამ, თურქული ლირას გაუფასურებამ და მოლოდინების ერთობლიობამ გამოიწვია:

"ჩვენი წინასწარი შეფასებით, მიმდინარე კურსი უფრო მეტად არის გაუფასურებული, ვიდრე რაციონალური მოლოდინები განაპირობებს".

ეროვნული ბანკი აცხადებს რომ სტრატეგიის შესაბამისად, იგი გამოიყენებს მის ხელთ არსებულ ინსტრუმენტებს სავალუტო ბაზარზე ჭარბი მერყეობის შესარბილებლად, ისე, რომ ლარის კურსი ფუნდამენტურ ფაქტორებთან შესაბამისობაში დარჩეს.

ასევე, მათი გეგმით, საშუალოვადიან პერიოდში ფასების სტაბილურობის რისკების შემთხვევაში, ეროვნული ბანკი გაამკაცრებს მონეტარულ პოლიტიკას:

"ბანკს აქვს სათანადო შესაძლებლობა და ინსტრუმენტები, რომ არ დაუშვას მაღალი ინფლაცია. თავის მხრივ, ზომიერი ინფლაცია გაცვლითი კურსის გრძელვადიან სტაბილურობას და ეკონომიკის მდგრად ზრდას განაპირობებს".

19 დეკემბრის კურსით, 1 აშშ დოლარის ღირებულება გახდა 2,7412 ლარი, ხოლო 1 ევრო - 2,86 ლარი.