მას შემდეგ, რაც თურქეთის დედაქალაქ ანკარაში გამოფენაზე სიტყვით გამოსვლისას მოკლეს რუსეთის ელჩი, ანდრეი კარლოვი, უცნობმა პირმა იარაღიდან ჰაერში დაახლოებით 9-ჯერ გაისროლა ანკარაში მდებარე აშშ-ს საელჩოს წინ.

როგორც თურქული გამოცემა, Daily Sabah წერს, პოლიციელებმა შეიარაღებული პირი მალევე დააკავეს. ჯერჯერობით უცნობია სროლის მოტივი, რომელიც რუსეთის ელჩის მკვლელობიდან სულ რამდენიმე საათში მოხდა.

აშშ-ს საელჩო ანკარაში და საკონსულოები ადანასა და სტამბოლში უსაფრთხოების გაძლიერებული ზომების მიღების გამო დროებით დაიხურა და შეაჩერა სავიზო მომსახურება.