ქართული ოცნების აღმასრულებელი მდივანი, ირაკლი კობახიძე დოსიეს დოკუმენტებზე ამბობს, რომ რეაგირება მას შემდეგ მოხდება, რაც ყველაფერს ნათელი მოეფინება. მისი თქმით, ჯერ შედეგებს უნდა დაელოდონ და თუ იგი დამტკიცდება, მაშინ საჭირო იქნება სამართლებრივი რეაგირება.

"ჯერ ამ ყველაფრის პირველადი შესწავლაა საჭირო და ამის შემდეგ ყველა ზომა უნდა იყოს მიღებული, რა თქმა უნდა, საჭიროებისამებრ. რა თქმა უნდა, დაუშვებელია ჯერ შავი ფულის ტრიალი ქართულ პოლიტიკაში და მერე, რუსული ფულის ტრიალი", — აცხადებს კობახიძე.

24 აგვისტოს ცენტრ დოსიეს განკარგულებაში აღმოჩნდა სამუშაო დოკუმენტები, ანალიტიკური ანგარიშები, ფინანსური შეფასებები, წინასაარჩევნო მეთოდები და საოპერაციო მოხსენებები დაზვერვის გენერალ ჩერნოვის სამდივნოდან. მათი განცხადებით, ამ დოკუმენტებით ირკვევა, რომ რუსეთი საქართველოს არჩევნებში ჩარევასა და შედეგებზე გავლენის მოხდენას ცდილობს და სასურველი შედეგის მისაღწევად პატრიოტთა ალიანსს აფინანსებს, რომელიც ანტიდასავლური და პრორუსული რიტორიკით გამოირჩევა.

31 აგვისტოს კი პატრიოტთა ალიანსის რუსეთთან კავშირების შესახებ ცენტრმა დოსიემ ახალი მასალები გამოაქვეყნა, რომლებშიც ასახულია რუსული "კონტრარგუმენტები", ალიანსის ლიდერების ოკუპირებულ რეგიონში ვიზიტის გასამართლებლად.