"კოხტად და ლამაზად", — ასე უპასუხა პარტია მოქალაქის ლიდერმა, ალეკო ელისაშვილმა ჟურნალისტის კითხვას, თუ როგორ აპირებს დიდი კონკურენციის პირობებში არჩევნებში გამარჯვებას.

"მე მაშინ არ დამიწყია საბურთალოზე ფიქრი და თბილისზე ფიქრი, როცა კანდიდატად დამასახელეს. მე ვფიქრობ, რომ ის წლები და ის გადასახედი, რაც ჩემს ზურგს უკან არის, გასაგებია. ამომრჩეველმა უბრალოდ გადაავლოს თვალი განვლილ წლებსა და განვლილ ცხოვრებას და შესაბამისად აარჩიოს, ვინ იქნება უკეთესი წარმომადგენელი პარლამენტში", — აღნიშნა ალეკო ელისაშვილმა რუსთავი 2-ის ეთერში.

ალეკო ელისაშვილი საბურთალოს მაჟორიტარულ ოლქში იყრის კენჭს. ამავე ოლქში თავის კანდიდატურებს აყენებენ ქართული ოცნებიდან ჯანდაცვის ყოფილი მინისტრი, დავით სერგეენკო, ერთიანი ოპოზიციის კანდიდატი, თავდაცვის ყოფილი მინისტრი, ირაკლი ოქრუაშვილი და ლელო საქართველოს ლიდერი, ბადრი ჯაფარიძე.