ბაჩალიაშვილის საქმესთან დაკაშირებით ოჯახის ადვოკატი მიხეილ რამიშვილი აცხადებს, რომ პროკურატურის მიერ გუშინ გასაჯაროებული ვიდეომასალა, სადაც სუს-ის ჯიპების გადაადგილებაა ასახული არასრულია და სრული ჩანაწერის გამოქვეყნებას ითხოვს.

"ჯიპები ერთხელ კი არა, მთელი დღეების განმავლობაში თავიანთი მარშრუტით მორიგეობას ახორციელებდნენ, თურმე და ბაზიდან ბაზაზე გადაადგილდებოდნენ, აქედან გამომდინარე, ერთი კვირის მარშრუტი უნდა გადმოსცენ გამოძიებას სად იყო მათი ადგილმდებარეობა", — განაცხადა მიხეილ რამიშვილმა.

პროკურატურა უარყოფს, რომ სახელმწიფოს უსაფრთხოების სამსახურის 3 მანქანა თამარ ბაჩალიაშვილის ავტომობილს დაჰყვებოდა.

უწყების მტკიცებით, სუს-ის მანქანები ბაჩალიაშვილის ავტომანქანის უკან გზის მხოლოდ გარკვეულ ნაწილზე აღმოჩნდნენ, რის შემდეგაც შავნაბადას საწვრთნელი ბაზისკენ გადაუხვიეს. მათივე თქმით, ბაჩალიაშვილმა სვლა შეუფერხებლად გააგრძელა.