სტატისტიკის ეროვნული სამსახურის განახლებული მონაცემების მიხედვით, 2016 წლის მესამე კვარტალში, მთლიანი შიდა პროდუქტის მაჩვენებელმა მიმდინარე ფასებში 8 749 100 000 ლარი შეადგინა.

წინა წლის შესაბამის კვარტალთან შედარებით, მთლიანი შიდა პროდუქტის რეალურმა ზრდამ 2,3 პროცენტი შეადგინა, ხოლო დეფლატორი, ანუ ფასების ინდექსი 3,2 პროცენტით გაიზარდა.

მშპ-ს რეალური ზრდა სტატისტიკის თანახმად, აღინიშნებოდა შემდეგ დარგებში:

  • სასტუმროები და რესტორნები (13,4 პროცენტი),
  • საფინანსო საქმიანობა (9,8 პროცენტი), ოპერაციები უძრავი ქონებით, იჯარა და
  • მომხმარებლისათვის მომსახურების გაწევა (7,5 პროცენტი),
  • ელექტროენერგიის, აირისა და წყლის წარმოება და განაწილება (5,0 პროცენტი),
  • სამთომოპოვებითი მრეწველობა (4,7 პროცენტი),
  • კომუნალური, სოციალური და პერსონალური მომსახურების გაწევა (3,9 პროცენტი),
  • ვაჭრობა (3,6პროცენტი),
  • მშენებლობა (2,4 პროცენტი).

კლება დაფიქსირდა:

  • ტრანსპორტში (-4,2 პროცენტი),
  • კავშირგაბმულობაში (-0,5 პროცენტი),
  • სოფლის მეურნეობაში (-0,1 პროცენტი).

ფოტო: საქსტატი

საქსტატის ინფორმაციით, მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა ვაჭრობა და მრეწველობა, შემდგომ პოზიციებს იკავებს ტრანსპორტი და კავშირგაბმულობა, სოფლის მეურნეობა, მეთევზეობა, მშენებლობა, სახელმწიფო მმართველობა, ოპერაციები უძრავი ქონებით, იჯარა და მომხმარებლისათვის მომსახურების გაწევა, ჯანმრთელობის დაცვა და სოციალური დახმარება.

საქსტატის ცნობით, 2016 წლის მონაცემები საბოლოოდ დაზუსტდება 2017 წლის 15 ნოემბერს.