სტრატეგია აღმაშენებლის ლიდერმა, გიორგი ვაშაძემ განაცხადა, რომ ნაციონალურმა მოძრაობამ სიტყვა გატეხა, როდესაც ისნის მაჟორიტარი დეპუტატობის კანდიდატად ხატია დეკანოიძე წარადგინა. ამაზე მან შინაგან საქმეთა სამინისტროსთან გამართულ ბრიფინგზე განაცხადა.

"ნაციონალურმა მოძრაობამ კვლავ გატეხა სიტყვა, დაარღვია შეთანხმება და ეს არის ძალიან სამწუხარო. რაც შეეხება ისანს, ისანში გაიმარჯვებს ყველაზე ღირსეული. ამას თქვენ თვითონ ნახავთ. ამის დასტურია სხვა შეთანხმების მონაწილეების განცხადებები. ძალიან ვწუხვარ...", — აცხადებს ვაშაძე.

ერთიანმა ნაციონალურმა მოძრაობამ 26 აგვისტოს ისნის მაჟორიტარი დეპუტატობის კანდიდატი დაასახელა. როგორც ცნობილი გახდა, ისნის ოლქში მაჟორიტარობისთვის ვაშაძის წინააღმდეგ ხატია დეკანოიძე იბრძოლებს. გიორგი ვაშაძე ოპოზიციის საერთა კანდიდატი იყო.