სამი დღეა პოლონეთის დედაქალაქ ვარშავა საპროტესტო აქციებმა მოიცვა: სამოქალაქო აქტივისტებსა და ოპოზიციას ბლოკირებული აქვთ პარლამენტის შენობა როგორც შიგნიდან, ისე – გარედან. მოქალაქეთა ნაწილი საპროტესტო აქციას მართავს საკონსტიტუციო სასამართლოსთანაც.

პოლონეთის მოქალაქეების გულისწყრომა გამოიწვია ხელისუფლებაში მყოფი პარტიის, სამოქალაქო პლატფორმის გადაწყვეტილებამ, შეზღუდონ ჟურნალისტების მუშაობა ქვეყნის საკანონმდებლო ორგანოში. კერძოდ, მხოლოდ 5 ტელეკომპანიას ექნება საშუალება, განახორციელოს ტრანსლაცია და ჩაიწეროს პარლამენტის სხდომები. გარდა ამისა, მმართველმა პარტიამ პარასკევს კენჭი უყარა ქვეყნის მომავალი წლის ბიუჯეტს, კენჭისყრა კი მთავარი სასესიო დარბაზის ნაცვლად უფრო მცირე დარბაზში გამართა, რაც, როგორც BBC აცხადებს, 1989 წლის მერე არ მომხდარა. ამასთანვე, პროცესს არ დაასწრეს არცერთი მედიასაშუალება.

მოქალაქეთა ერთი ნაწილი ასევე აპროტესტებს მმართველი გუნდის მიერ საკონსტიტუციო სასამართლოში მოსამართლეთა შეცვლას.

გარდა ამისა, ოპოზიციურმა, კანონისა და სამართლიანობის პარტიამ, რომლის ლიდერიც იაროსლავ კაჩინსკია, შაბათს მრავალათასიანი მიტინგი გამართა ახლახანს ჩატარებული ადგილობრივი არჩევნებისა ხელახლა ჩატარებისა და დემოკრატიის დაცვის მოთხოვნით. აღნიშნული არჩევნების შედეგების გამოცხადება კომპიუტერული ხარვეზის გამო შეფერხდა, რამაც ოპოზიციას გაუჩინა ეჭვი, რომ მოხდა შედეგების მანიპულაცია. მიუხედავად იმისა, რომ ოპოზიციამ არჩევნებში ხმების უმრავლესობა მიიღო, ადგილობრივ თვითმმართველობებში, ადგილების განაწილების არსებული წესის გამო, უფრო ნაკლები ადგილი შეხვდა.

პარლამენტში 19 დეკემბერს არის დაგეგმილი მორიგი შეხვედრა, სადაც კრიზისიდან გამოსვლის გზებზე უნდა ისაუბრონ.