სოციალურ ქსელში ევროპული საქართველოს ლიდერიმა, გიგი უგულავამ ნაციონალურ მოძრაობას მას შემდეგ მიმართა, რაც ისანში მაჟორიტარობის კანდიდატი წარადგინეს — "მეგობრებო ნაციონალური მოძრაობიდან, ძალა ერთობაშია თუ გადაღუნვაში? სამწუხაროა, ძალიან სამწუხარო", — წერს გიგი უგულავა.

ერთიანმა ნაციონალურმა მოძრაობამ ისანში მაჟორიტარობის კანდიდატი დაასახელა. როგორც ცნობილი გახდა, ისნის ოლქში მაჟორიტარობისთვის ვაშაძის წინააღმდეგ ხატია დეკანოიძე იბრძოლებს.

27 ივლისს, გიორგი ვაშაძემ და თაკო ჩარკვიანმა პოლიტიკურ პარტიათა კოალიცია, ძალა ერთობაშია დატოვეს და ახალი პოლიტიკური პლატფორმა, სტრატეგია აღმაშენებელი წარადგინეს. მათი განცხადებით, სტრატეგია აღმაშენებელი ამ ეტაპზე კიდევ ორ სუბიექტს — ახალი საქართველო და კანონი და სამართალს აერთიანებს. კოალიციიდან წასვლის შემდეგ ვაშაძე ენმ-ს წევრებმა გააკრიტიკეს. რაც შეეხება მაჟორიტარ კანდიდატებს, გიორგი ვაშაძე ოპოზიციის გაერთიანების საერთო კანდიდატებს შორის იყო დასახელებული იქამდე, სანამ ძალა ერთობაშიას დატოვებდა.