ერევანში საცხოვრებელ სახლში, სავარაუდოდ, გაზის გაჟონვის გამო აფეთქება მოხდა, რის გამოც რამდენიმე ადამიანი დაშავდა.

როგორც რადიო თავისუფლების სომხეთის სამსახური იუწყება, ნანგრევებიდან ორი ადამიანი ამოიყვანეს, 21 პირი კი ევაკუირებულია. გარდა ამისა, დაშავებული ორი პირი საავადმყოფოში გადაიყვანეს.

შემთხვევის ადგილზე იყო პრემიერმინისტრი, ნიკოლ პაშინიანი და საგანგებო სიტუაციების მინისტრი, ფელიქს ცოლაკიანი.