ეკონომისტი გიორგი პაპავა მაესტროს ეთერში აცხადებს, რომ ლარის დოლარითა და ევროთი ჩანაცვლების იდეა უფრო სერიოზულად უნდა განიხილებოდეს:

"ეს სერიოზული თემაა. ბევრი ადამიანი და ეკონომისტი ამ თემას სამწუხაროდ აბუჩად იგდებს, რაც არაა სწორი. ბევრად მეტი განხილვა უნდა მიმდინარეობს ამ საკითხზე. დღევანდელი პოლიტიკური მოცემულობიდან ეს [ლარის დოლარითა და ევროთი ჩანაცვლება] არაა რეალისტური, თუმცა დაგეგმვის შემთხვევაში, მისი განხორციელება შეიძლება".

პაპავას თქმით, ერთის მხრივ ლარის დამცავები არიან ისინი, ვინც თვლიან, რომ ეროვნულ ბანკს მონეტარული პოლიტიკა და მისი გატარების მექანიზმი უნდა ჰქონდეს:

"ჩემი აზრით კი, უფრო მეტი დადებითი მხარე აქვს იმას, რომ ქვეყანაში იქნება სტაბილურობა და ინვესტორს არ ექნება სავალუტო რისკები. დღევანდელ რეალობაში, ეს რისკი მაღალია. როდესაც ინვესტორი თანხას აბანდებს, მას არაპროგნოზირებადი მომავალი ელოდება საქართველოში. თუ იქნება დოლარი ლარის ნაცვლად, ეს ამ რისკს ააცილებს ინვესტორს".

ნახეთ On.ge-ს ინტერვიუ გიორგი პაპავასთან, თუ რა პერსპექტივები აქვს საქართველოს ეკონომიკური ზრდის მიმართულებით, რამდენად გაამართლებს მთავრობის 10 პუნქტიანი გეგმა და რასთანაა დაკავშირებული ეროვნული ვალუტის გაუფასურება.