ერთიანი ნაცონალური მოძრაობის ერთ-ერთი ლიდერი, ხატია დეკანოიძე ამბობს, რომ ზუგდიდში მაჟორიტარობის კანდიდატად ვერა ქობალია არ განიხილება, თუმცა განიხილება მურთაზ ზოდელავა. ამის შესახებ მან ტელეკომპანია ფორმულას ეთერში ისაუბრა.

"ვერა არის ჩემი მეგობარი და მივიჩნევ, რომ ერთ-ერთი წარმატებული ადამიანია საქართველოში და არა მხოლოდ, საქართველოს ფარგლებს გარეთ. სხვათაშორის რამდენიმე დღის წინ მქონდა ვერასთან საუბარი ძალიან მნიშვნელოვან თემებზე, მათ შორის... ვირუსვებდი რაღაც კონფიგურაციით, რომ ვერა ყოფილიყო ამ პოლიტიურ მოცემულობაში, მაგრამ ვერას კანდიდატურა დღეს ზუგდიდში არ იხილება. გვყავს რამდენიმე კანდიდატი, 2-3 შემიძლია გითხრათ. ერთ-ერთი კანდიდატი, რომელიც განიხილევა ძალიან აქტიურად, ეს არის ბატონი მურთაზ ზოდელავა", — თქვა დეკანოიძემ.

ამასთან, მან დაადასტურა, რომ მისი კანდიდატურა ბაღდათი-თერჯოლა-ზესტაფონი-ტყიბულის მაჟორიტარულ ოლქში განიხილება. რაც შეეხება თელავს, აქ საბარია გიორგი ბოტკოველზე, რუსთავში — დავით კირკიტაძეზე, ხოლო საჩხერე-ჭიათურაში — გიორგი კაპანაძეზე. კობა ნაყოფიასთან დაკავშირებით კი ხატია დეკანოიძემ თქვა, რომ ის "სამეგრელოს წიაღში მოიაზრება ყოველთვის".

დღეს გავრცელდა ინფორმაცია, რომ ნაციონალური მოძრაობა განიხილავს, ზუგდიდში ევროპული საქართველოს მაჟორიტარობის კანდიდატს, გიგი უგულავას კონკურენტი დაუყენოს. ფორმულას ცნობით, ეს შეიძლება ეკონომიკის ყოფილი მინისტრი ვერა ქობალია იყოს.