თუ ამ ზაფხულს ზღვაზე წასვლა ვერ მოახერხეთ ან უკვე იყავით, მაგრამ ისევ გინდათ აგვისტოს სიცხეში დამღლელი სამუშაო დღის ბოლოს თუ უქმეებზე გრილად დაისვენოთ, სულ მარტივად შეგიძლიათ თბილისში ან მის შემოგარენში თქვენთვის შესაფერისი აუზი იპოვოთ.

ამ სტატიაში იმ გამორჩეული ობიექტების შესახებ გიამბობთ, რომლებიც სხვადასხვა პირობებითა და შეთავაზებებით დაგეხმარებათ, რომ მცხუნვარე დღეებში ქალაქიდან გაუსვლელად გაგრილდეთ.

1. ოლიმპიური აუზი

ფოტო: ოლიმპიური აუზი • Olympic pool / Facebook

ოლიმპიური აუზი 2015 წელს თბილისში გამართული ახალგაზრდული ოლიმპიური ფესტივალის ფარგლებში აშენდა: მის დაპროექტებაზე მაღალკვალიფიციურმა სპეციალისტებმა იმუშავეს, რის გამოც ნებისმიერ მომხმარებელს საერთაშორისო სტანდარტების მქონე სერვისებით სარგებლობის საშუალება ეძლევა.

რაც მთავარია, ეს სივრცე სტუმრებს ორ ღია აუზს სთავაზობს, რომლებიც ყველაზე დიდი ღია ტიპის აუზებია, რაზეც კი ამ სტატიაში გიამბობთ: 50*25 მეტრი (სიღრმე 240 სმ) და 35*25 მეტრი (სიღრმე 4-დან 7 მეტრამდე).

მისამართი: დიღომი, ახალი თბილისი, ოლიმპიური პარკის ტერიტორია

2. არენა

ფოტო: არენა

მართალია, სპორტული კომპლექსი არენა დახურული ტიპის აუზს გვთავაზობს, თუმცა თუ რუჯის მიღებაც გინდათ, შეგიძლიათ იქვე გასარუჯი ვერანდით ისარგებლოთ და ცურვით დაღლილი მზეს მიეფიცხოთ.

განახლებულ საცურაო აუზთან ერთად კომპლექსს აქვს თანამედროვე ჯაკუზიც. ამავდროულად კი შეგიძლიათ ფიტნესით დაკავდეთ ან საუნაში გაატაროთ დრო.

მისამართი: ვაკე-საბურთალო, უნივერსიტეტის ქუჩა 2

3. ოლიმპიკი

ფოტო: ოლიმპიკი

სასწავლო კომპლექსი ოლიმპიკი ამჟამად ყველაზე მასშტაბური საცურაო ცენტრია საქართველოში, რომელიც ევროპული სტანდარტების მქონე გარემო-პირობების გამო საერთაშორისო ტურნირების ჩასატარებლადაც კი იდეალური ადგილია.

დახურული ტიპის კეთილმოწყობილ აუზთან ერთად ოლიმპიკი თავის მომხმარებლებს სპეციალურ ვერანდას სთავაზობს, სადაც ცურვის შემდეგ დასვენება და რუჯის მიღებაც შეგიძლიათ.

მისამართი: ისანი, ქ.ჩოლოყაშვილის ქუჩა 1 კვარტალი, 5ბ

4. სპორტ თაიმი

ფოტო: Sport Time Hotel&Spa

თუ სპორტ თაიმის აუზის სუფთა და კამკამა წყალში გადაწყვეტთ გაგრილებას, სულ დაგავიწყდებათ სად იმყოფებით, მეტიც — ოკეანის რომელიმე მშვიდ ყურეშიც კი შეიძლება იგრძნოთ თავი.

სპორტ თაიმს ღიასთან ერთად დახურული აუზიც აქვს, ამავდროულად კი უახლესი ტრენაჟორებით აღჭურვილი დარბაზი და საუნითაც შეუძლია თავის მოწონება. რაც მთავარია, იქ სულ სასიამოვნო, მშვიდი და კომფორტული გარემო გელოდებათ.

მისამართი: ორთაჭალა, ვახტანგ გორგასლის 75ა

5. ბლექ სი 2

ფოტო: Black Sea 2

სპორტული კომპლექსი ბლექ სი 2 არა მხოლოდ დასვენების, არამედ განვითარებისა და გაჯანსაღებისთვისაც საუკეთესო ადგილია.

ეს კომპლექსი მოიცავს ორ — 25 და 12.5-მეტრიან აუზებს, ამავდროულად კი გვთავაზობს სატრენაჟორო და აერობიკის დარბაზებს. სამოყვარულო ცურვასთან ერთად იქ შეგიძლიათ აქუააერობიკით, აერობიკით ან ქროსფიტით დაკავდეთ.

მისამართი: გლდანი, გლდანის "ა" მ-რ. ხიზაბავრის ქუჩა I ჩიხი N5

6. რუსთავი არენა

ფოტო: რუსთავი არენა

აუზზე დასვენება მხოლოდ თბილისის შემოგარენში როდი შეგიძლიათ: რუსთავი არენა ყველას, ვისაც ვარჯიში, დასვენება ან ორივე ერთად სურს, 07:00-დან 23:00 საათამდე ექვს წელს ზევით ყველა სტუმარს უმასპინძლებს.

მისამართი: ძველი რუსთავი, მე-11 მიკრორაიონი, პუშკინის ქუჩის მიმდებარედ

7. თოლია

ფოტო: თოლია

რუსთავში კიდევ ერთი აუზი გელოდებათ, რომელიც მომხმარებელს მაქსიმალურად სუფთა და დაცულ სივრცეს სთავაზობს. აუზთან ერთად ამ ობიექტს აქვს უნიკალური ინფრაწითელი გამოსხივების საუნა, რომელიც დამშვიდებელთან ერთად გამაჯანსაღებელი თვისებებით გამოირჩევა: ის აყუჩებს სპაზმებს, ადუნებს კუნთებს, სისხლის მიმოქცევას აუმჯობესებს და ამცირებს ქოლესტერინის დონეს.

მისამართი: ახალი რუსთავი, მშენებელთ ქუჩა 15

8. ვანილა სქაი

ფოტო: Vanilla Sky

თუ გსურთ ცოტა ხნით ყოველდღიურ რუტინას გაექცეთ, ქალაქიდან გახვიდეთ და ამისთვის არც ბევრი დრო ან ენერგია დახარჯოთ, მაშინ ვანილა სქაი თქვენი ყველაზე მყუდრო ნავსაყუდელი იქნება: ღია აუზი დახვეწილი მომსახურებით არა მხოლოდ სტრესის მოხსნაში, არამედ ოცნებების ახდენაშიც კი დაგეხმარებათ.

მისამართი: მცხეთა, ნატახტრის აეროდრომი

9. E60

ფოტო: E60

ყველა თავისი განწყობისა და სურვილის მიხედვით არჩევს იმ სივრცეებს, სადაც თავისუფალ დროს გაატარებს, ხოლო თქვენთვის თუ პრიორიტეტული მშვიდად და მყუდროდ დასვენებაა, მაშინ თვალისმომჭრელ გარემოში E60-ის აუზი აუცილებლად მიგიზიდავთ.

მისამართი: მცხეთა, ნარეკვავის მიმდებარე ტერიტორია

10. სავანა სპა

ფოტო: Savanna Spa

თუ ბათუმში ხართ, გამოსავალი ამ შემთხვევაშიც მოიძებნება. თანაც ვინ თქვა, რომ ყველას ყოველთვის ზღვაზე ყოფნა სიამოვნებს? სავანა სპას დახურული აუზი ნებისმიერ ამინდში გიმასპინძლებთ და თანაც, დარწმუნებული შეიძლება იყოთ, რომ იქ ყოველთვის სუფთა წყალი გელოდებათ და თავს გაცილებით დაცულად იგრძნობთ.

მისამართი: ბათუმი, გორგილაძის 111

ჩამოთვლილმა ობიექტებმა დაგაინტერესათ, თუმცა ბოლომდე მაინც გიჭირთ არჩევანის გაკეთება, თუ რომელი მათგანით ისარგებლოთ? ამ შემთხვევაში თქვენთვის საოცრად მარტივი და მოსახერხებელი გამოსავალი გვაქვს: ფიტპასი რომელიც კომპანიებს შესაძლებლობას აძლევს მხოლოდ ერთი ბარათის ფლობით აღნიშნული ობიექტების სერვისებით ერთდროულად თავისუფლად ისარგებლონ.

თანაც მხოლოდ ეს არ არის: ფიტპასი ასზე მეტ სპორტულ და გამაჯანსაღებელ ობიექტთან თანამშრომლობს, რაც საშუალებას გაძლევთ არა მხოლოდ აუზები, არამედ სხვა თქვენთვის საინტერესო სივრცეები აითვისოთ.

ფიტპასთან ერთად დასვენება, მოდუნება და ჯანსაღი ცხოვრებისკენ ახალი ნაბიჯების გადადგმა გაცილებით მარტივია.

ფიტპასის პარტნიორების ჩამონათვალი შეგიძლიათ ნახოთ ვებსაიტზე: www.fitpass.ge
კორპორატიული შეთავაზების მისაღებად შეავსეთ სარეგისტრაციო ფორმა ბმულზე: t.ly/6Oym
დამატებითი კითხვებისთვის დაუკავშირდით ფიტპასს ნომერზე 2 12 12 40