18 წლამდე ასაკის მოქალაქეებისთვის სახელმწიფოსგან 200-ლარიანი დახმარების მისაღებად, რეგისტრაცია მუნიციპალიტეტის 11-ვე სერვისცენტრშია შესაძლებელი. ამის შესახებ დედაქალაქის მერმა, კახა კალაძემ მუნიციპალიტეტის მთავრობის
სხდომაზე განაცხადა.

"არსებობენ ადამიანები, რომლებსაც შეიძლება, ინტერნეტი არ ჰქონდეთ, აპლიკაციის შევსება გაუჭირდეთ. ამიტომაც, მინდა მივმართო მათ, ვისაც ანალოგიური პრობლემები აწუხებს — აუცილებლად მიაკითხეთ თქვენივე რაონში არსებულ მუნიციპალურ სერვისცენტრებს. ჩვენი თანამშრომლები კუთვნილი დახმარების მისაღებად,
აპლიკაციის სწორად შევსებაში დაგეხმარებიან", — განაცხადა კახა კალაძემ.

მისივე თქმით, მოქალაქეთა მომსახურების ერთი სერვისცენტრი დედაქალაქის
მერიის შენობაში, დანარჩენები კი თბილისის ათივე რაიონში მდებარეობს.

საქართველოს პრემიერმინისტრის, გიორგი გახარიას განცხადებით, 17 წლამდე ყველა ბავშვი ერთჯერადად 200 ლარის ოდენობით დახმარებას მიიღებს.