ალეკო ელისაშვილის განცხადებით, მან თბილისის ოლქებში მაჟორიტარობის საერთო ოპოზიციური კანდიდატების ასარჩევად მოსახლეობის გამოკითხვის ინიციატივა გამოთქვა, თუმცა ოპოზიციური პარტიებისთვის ეს საინტერესო არ აღმოჩნდა. ამის შესახებ მან ნინო ჟიჟილაშვილთან ფორმულას ეთერში განაცხადა.

"ხალხისთვის გვეკითხა, ვის დაუჭერდნენ ისინი მხარს და შემდეგ, უსინდისო ვიყო, თუ არ ვიქნებოდი იმ 8 ოპოზიციონერ ლიდერს შორის, მე მაინც ნებისმიერს დავუჭერდი მხარს, ნებისმიერ იმ 8 კანდიდატს. აი, სულ რომ გიგა ბოკერია ყოფილიყო, ან კიდე უარესი, გამოვიდოდი და ვიტყოდი, რადგან ხალხის არჩევანი ესაა, მე ვცემ ხალხის არჩევანს პატივსთქო და დავუჭერდი მხარს. ეს არავისთვის არ იყო საინტერესო" , — განაცხადა ელისაშვილმა.

ალეკო ელისაშვილი, პარტია მოქალაქეების დამფუძნებელი, 2020 წლის არჩევნებში კენჭს საბურთალოს მაჟორიტარულ ოლქში იყრის.