50 წლამდე კაცმა მცირეწლოვანი ბავშვი, სავარაუდოდ, გატაცების მიზნით, ეზოდან მოტყუებით გაიყვანა. შემთხვევა თბილისში რამდენიმე დღის წინ მოხდა.

კაცი პოლიციამ ადგილზე დააკავა. შინაგან საქმეთა სამინისტროს ინფორმაციით, მომხდარზე გამოძიება საქართველოს სისხლის სამართლის კოდექსის 143-ე მუხლით მიმდინარეობს, რაც თავისუფლების უკანონოდ აღკვეთას გულისხმობს.

აღკვეთის ღონისძიების სახით კაცს წინასწარი პატიმრობა უკვე შეეფარდა. ბრალის დამტკიცების შემთხვევაში მას 7-დან 10 წლამდე თავისუფლების აღკვეთა ემუქრება.