Netflix-ის შემდეგ გლობალურ ბაზარზე Amazon Prime Video-ც გამოვიდა. ვიდეოსტრიმინგის ეს სერვისი 242 ქვეყანაშია ხელმისაწვდომი, მათ შორის, საქართველოშიც.

თქვენ მხოლოდ $3-ად შეგიძლიათ გახდეთ ამ სერვისის მომხმარებელი და ლეგალურად უყუროთ ამაზონის მიერ გადაღებულ და დისტრიბუციაში ჩაშვებულ ფილმებსა და სერიალებს.

აქ თქვენ შეგიძლიათ ნახოთ ისეთი სერიალები, როგორებიცაა:

  • Transparent
  • The Man in the High Castle
  • Grand Tour
  • Mozart in the Jungle

და სხვები.

ამაზონი მომავალში კიდევ უფრო მეტი სერიალის და ფილმის გამოშვებას გეგმავს, ასე რომ, ამ ფასად და თანაც მეკობრეობის გარეშე საუკეთესო პროდუქტს მიიღებთ.

სერვისის ჩართვა primevideo.com-იდან შეგიძლიათ. პირველი შვიდი დღე უფასოა და შეგიძლიათ გადაწყვეტილების მიღებამდე ნახოთ, რამდენად აკმაყოფილებს ამაზონი თქვენს გემოვნებას.

აქამდე ქართველ მომხმარებელს ცნობილი ფილმებისა და ტელეშოუების ლეგალურად ყურება Netflix-ის მეშვეობით შეეძლო. ამერიკული კომპანია 2016 წელს გლობალურ ბაზარზე გავიდა და საკუთარი სერვისი დამატებით 130 ქვეყნის მომხმარებლისთვის ჩართო, რომელთა შორის საქართველოც მოხვდა. Netflix-ის საწყისი პაკეტის ღირებულება თვეში 7.99 ევროა.