საქართველოს ჯანდაცვის მინისტრის, ეკატერინე ტიკარაძის განცახდებით, ზუსტი დეტალები, როდის მიიღებენ 17 წლის ჩათვლით ბავშვები ერთჯერად კომპენსაციას, შემდეგი კვირიდან იქნება ცნობილი. თუმცა მისი თქმით, კომპენსაციები უკვე გაცემული იქნება სწავლის დაწყებამდე — 1 სექტემბრიდან 15 სექტემბრის ჩათვლით.

მინისტრის განმატებით, იმისთვის, რომ ანაზღაურება ოპერატიულად მოხდეს, საჭირო დოკუმენტაციის ნუსხა მაქსიმალურად მარტივი იქნება. ტიკარაძემ აღნიშნა, რომ საჭირო დოკუმენტების ჩამონათვალი მომდევნო კვირაში იქნება ცნობილი.

"ასევე, ხელმისაწვდომს გავხდით იმ პორტალს, სადაც მოხდება დოკუმენტების ატვირთვა და დარწმუნებულები ვართ, რომ სწავლის დაწყებამდე, 1 სექტემბრიდან 15 სექტემბრამდე, სრულად იქნება ანაზღაურებული თანხები", — აცხადებს ტიკარაძე.

დღეს ცნობილი გახდა, რომ კორონავირუსის პერიოდში მოქალაქეების კომპენსაციის ფარგლებში 200-ლარიან ერთჯერად დახმარებას მიიღებს 17 ასაკის წლამდე ყველ ბავშვი, გახანგრძლივდება კომუნალური გადასახადების პროგრამა, კომპენსაციას მიიღებენ ის თვითდასაქმებულებიც, რომლებსაც არასრული დოკუმენტაცია ჰქონდათ და ასევე, სოციალურად დაუცველ სტუდენტებს ერთი სემესტრის სწავლის საფასური აუნაზღაურდებათ.