საბავშვო ბაღებისა და სკოლების გახსნისთვის პროტოკოლის შემუშავება იგეგმება. შრომის ინსპექციის დეპარტამენტის უფროსის, ბექა ფერაძის თქმით, რეკომენდაციებზე მუშაობა მათ უკვე დაიწყეს.

მისივე თქმით, პროტოკოლის მოთხოვნებს ისინი კერძო და სახელმწიფო სექტორთან შეთანხმებით ჩამოაყალიბებენ.

"გამიჭირდება დღეს ვისაუბრო დეტალურად იმ პროტოკოლზე, რომელიც განსაზღვრული იქნება. რამდენიმე დღეში უფრო ნათელი იქნება და ღიად ვისაუბრებთ ამ საკითხზე. ამ ეტაპზე რაც შეიძლება ითქვას არის ის, რომ ზოგადი მოთხოვნები, დისტანციის დაცვა და სადენზინფექციო სამუშაოების განხორციელება", — აღნიშნა ფერაძემ.

რაც შეეხება, ჯგუფში ბავშვების რაოდენობას, ამას პროტოკოლი განსაზღვრავს.

კორონავირუსის პანდემიის გავრცელების შემდეგ საქართველოს მთავრობის გადაწყვეტილებით სასწავლო დაწესებულებაში სწავლა ონლაინრეჟიმში გადავიდა. როგორც ისინი აცხადებენ, საკლასო ოთახებში დაბრუნება ეპიდვითარებაზე იქნება დამოკიდებული.

ამავე თემაზე: