ხვალიდან, 17 იანვრიდან სასკოლო სწავლება განახლდება. განათლების სამინისტროს ინფორმაციით, ამისთვის ყველა საჯარო და კერძო სკოლა მზადაა. უწყების ცნობით, ამ დროისთვის ვაქცინირებულია პედაგოგთა და სკოლების ადმინისტრაციის წარმომადგენელთა 73%.

აღსანიშნავია ისიც, რომ მშობლებს, სურვილის შემთხვევაში, შესაძლებლობა აქვთ აირჩიონ დისტანციური სწავლის ფორმატი. იგივე შესაძლებლობა აქვთ რისკ ჯგუფში ყოფ პედაგოგებს — მათ შეუძლიათ გაკვეთილები დისტანციურად ჩაატარონ. სამინისტროს ინფორმაციით, რომელიმე კლასში ან სკოლის მასშტაბით კორონავირუსის გამოვლენის შემთხვევაში, გაგრძელდება წერტილოვანი შეზღუდვები.

"დასწრებული სწავლების შემთხვევაში, მოსწავლეები I-XII კლასების ჩათვლით, ვალდებული იქნებიან ატარონ პირბადე, სახელმწიფო კი კვლავ უზრუნველყოფს მასწავლებელთა სავალდებულო ტესტირებას [...]

ზოგადსაგანმანათლებლო დაწესებულებები უზრუნველყოფილია შესაბამისი სადეზინფექციო ხსნარებით, პირბადეებით, თერმოსკრინინგის აპარატებითა და დეზობარიერებით", — აცხადებენ განათლების სამინისტროში.

სწავლის განახლებასთან ერთად აღდგება ტელესკოლაც.

გაიგე მეტი: