გირჩმა პარტიული სიის პირველი ათეული განაახლა. პარტიის ინფორმაციით, საპარლამენტო არჩევნების ათეული მხარდამჭერებმა პრაიმერიზით გამოავლინეს.

პარტიის სიაში პირველი ათეული ადგილები ასე გადანაწილდა.

  1. ზურაბ გირჩი ჯაფარიძე;
  2. იაგო ხვიჩია;
  3. ვახტანგ მეგრელიშვილი;
  4. ალექსანდრე რაქვიაშვილი;
  5. ჰერმან საბო;
  6. ლევან ჯგერენაია;
  7. ამირან ტორონჯაძე;
  8. ვახტანგ ზენაიშვილი;
  9. ალექსანდრე თარხან-მოურავი;
  10. გიორგი ლომინაძე.

გუშინ, 30 ივლისს 16:20 საათზე გირჩის მხარდამჭერებს GeD-ის, პარტიის კრიპტოვალუტის საშუალებით სია უნდა გამოევლინათ. ხმის მიცემის დასრულების შემდეგ ვებგვერდზე ინფორმაცია არ განახლებულა და თითქმის ორმოცი წუთის განმავლობაში საბოლოო სიის ფორმირებას ელოდნენ. ამის შემდეგ კი პარტიის ლიდერმა, ზურაბ ჯაფარიძემ განაცხადა, რომ 17:00 საათის მონაცემებით არსებული სია საბოლოოდ ვარიანტს წარმოადგენდა.

მოგვიანებით გირჩმა საგანგებო განცხადება გაავრცელა, რომელშიც განმარტავდნენ, რომ ვებგვერდზე ტექნიკური პრობლემის გამო გირჩი პროპორციულ პარტიულ სიას თავიდან გამოავლენდა. როგორც პარტიაში აცხადებენ, საიტზე შემოსულთა რიცხვმა და ტრანზაქციების რაოდენობამ მოლოდინს რამდენჯერმე გადააჭარბა და სერვერს პრობლემა შეექმნა. მათივე თქმით, კითხვის ნიშნების თავის ასარიდებლად მათ პროცესის თავიდან ჩატარება გადაწყვიტეს.

გირჩის პარტიული სიის ტოპ 10-ში ვერ მოხვდნენ ქალები. საარჩევნო რეფორმის თანახმად კი სიაში ყოველი მეოთხე განსხვავებული სქესის უნდა იყოს. როგორ ზურა ჯაფარიძემ თქვა, ისინი ცესკოს მოთხოვნებს დააკმაყოფილებენ და ფორმალურ სიას შექმნიან, თუმცა პარლამენტში მაინც ისინი შევლენ, ვინ მხარდამჭერებმა გამოავლინა. ამავე დროს, ზურა ჯაფარიძე ამბობს, რომ სიაში ქალები მოხვდნენ, თუნცა პირველ ათულში არ არიან.