Game of Thrones-ის მეშვიდე სეზონში ედ შირანის გამოჩენას თუ არ ჩავთვლით, ცნობილი სახეების კამეოები ყველას ძალიან გვიყვარს: რა სჯობს, როცა მოულოდნელად ფილმში შენს საყვარელ მუსიკოსს ან მსახიობს მოკრავ თვალს.

გთავაზობთ 15 სახალისო და მოულოდნელ კამეოს, რომელმაც ჩვენთვის საყვარელ და ცნობილ ფილმებს კიდევ უფრო მეტი ხიბლი შესძინა:

1. კრისტოფერ ლოიდი A Million Ways to Die in the West-ში

ფოტო: Universal

კოვბოი-კომედიაში კრისტოფერ ლოიდი მცირე ხნით თავის საკულტო როლს დაუბრუნდა და კვლავ ვიხილეთ Back to the Future-ის დროში მოგზაური დოკი ბრაუნი.

2. ბილ მიურეი Zombieland-ში

ფოტო: Sony

ზომბილენდში ბილ მიურეი ზომბი საკუთარი თავის როლში ჩნდება ძალიან ცოტა ხნით, სანამ ჯესი აიზენბერგის პერსონაჟი მას არ მოკლავს — ის მხოლოდ ამის შემდეგ იაზრებს, რომ თურმე ბილ მიურეი გამოასალმა სიცოცხლეს.

3. მაილი საირუსი High School Musical 2-ში

ფოტო: Disney

გაურკვეველია, როგორ მოხვდა მაილი თავისი საკულტო ყვითელი ზედით Lava Springs-ის წვეულებაზე.

4. მეთ დეიმონი ევროტურში

ფოტო: DreamWorks Pictures

და იცოდით რომ, ყველასთვის საყვარელ ევროტურში ფიონას ახალი ბოიფრენდის როლს მეთ დეიმონი ასრულებს?

5. პოლ მაკარტნი კარიბის ზღვის მეკობრეებში

ფოტო: Disney

ლეგენდარული მუსიკოსი Pirates of the Caribbean: Dead Men Tell No Tales-ში ჯეკ ბეღურას ბიძის როლს ასრულებს.

6. სტენ ლი კაპიტანი ამერიკა: სამოქალაქო ომში

ფოტო: Disney

პრინციპში, სტენ ლის ნებისმიერი კამეოს შეყვანა შეიძლებოდა ამ სიაში, თუმცა Captain America: Civil War-ში მისი FedEx-ის მიმტანად გამოჩენა და ტონი სტარკის ძებნა მაინც ერთ-ერთი ყველაზე გამორჩეულია.

7. ძმები ჯონასები ღამე მუზეუმში 2-ში

ფოტო: 20th Century Fox

ამერიკული პოპ-როკ ბენდ Jonas Brothers-ის ძმები კუპიდონის ქანდაკებების როლში გვევლინებიან ფილმში Night at the Museum: Battle of the Smithsonian. რაღაც მომენტში ისინი თავიანთ Lovebug-საც კი ასრულებენ.

8. ემა უოტსონი This Is the End-ში

ფოტო: Columbia/Sony

ამ კამეოში მსახიობი საკუთარი თავის როლს ასრულებს.

9. ელტონ ჯონი Kingsman: The Golden Circle-ში

ფოტო: 20th Century Fox

ფილმში მუსიკოსი საკუთარი თავის როლში გვევლინება — მას იტაცებენ და სიმღერას აიძულებენ.

10. ლინ-მანუელ მირანდა Star Wars: The Rise of Skywalker-ში

ფოტო: Disney

ძალიან ხანმოკლე და ხშირად შეუმჩნეველი კამეოა, თუმცა ჰამილტონის ვარსკვლავმა მუსიკა ამ ფილმისთვისაც შექმნა და მისი გამოჩენა ფანებს ძალიან გაუხარდათ.

11. მაიკ ტაისონი The Hangover-ში

ფოტო: Warner Bros.

2007 წლის ფილმში ლეგენდარულ მოკრივეს თავის საყვარელ ვეფხვს პარავენ.

12. ბრედ პიტი Deadpool 2-ში

ფილმში ბრედ პიტი Vanisher-ის როლს ასრულებს: უჩინარი სუპერგმირის, რომელიც სიკვდილისას წამიერად აჩენს სახეს.

13. ჰიუ ჯეკმანი X-Men: First Class-ში

ფოტო: 20th Century Fox

ბევრისთვის X-Men-ის ფრენჩაიზის ეს ფილმი ფავორიტად სწორედ ლოგანის ხანმოკლე გამოჩენისა და მისი საკულტო "Go fuck yourself" ფრაზის გამო იქცა.

14. სტივენ კინგი It Chapter Two-ში

ფოტო: Warner Bros.

მწერალი, პირდაპირი გაგებით, საკუთარი პერსონაჟის როლს ასრულებს და ლომბარდის მფლობელად გვევლინება. ფილმში ის ბილის პერსონაჟის განხილვისას გადაკვრით იმაზეც საუბრობს, რომ მისი წიგნების დასასრულებს მკითხველი ყოველთვის კარგად არ ეხმაურება.

15. რაიან რეინოლდსი A Million Ways to Die in the West-ში

ფოტო: Universal

რაიან რეინოლდსი სულ რამდენიმე წამით ჩნდება ბარში და ლიამ ნისონის პერსონაჟი მას მომენტალურად ტყვიას ახლის.

ბონუსი: რაპუნცელი და ფლინ რაიდერი Frozen-ში

ფოტო: Disney

დესერტად ეს ანიმაციური კამეოც ინებეთ.