მარიამ ჯიშკარიანი და მიხეილ რამიშვილი მთავრობის მხრიდან ზეწოლაზე, თვალთვალსა და მუქარაზე საუბრობენ. სპეციალურად გამართულ ბრიფინგზე დამოუკიდებელმა ექსპერტმა საქართველოს მთავრობის ქმედება საბჭოთა კავშირის ხელწერას შეადარა:

"ამგვარი მეთოდებით მოქმედებდნენ საბჭოთა კავშირის სპეცსამსახურები. ჩვენ ეს გამოცდილება გვაქვს და ვიცით, ზუსტად იგივე ხელწერაა. მათ საყურადღებოდ ვაცხადებ, იმ დროს, როცა საბჭოთა კავშირის არ გვეშინოდა, ესენი ნამდვილად ვერ შეგვაშინებენ", — განაცხადა ჯიშკარიანმა.

მისივე თქმით, თვალთვალი, მოსმენა და მუქარა გარდა ხელისფლებისა, სხვას არავის შეუძლია და მოითხოვს, რომ შეწყდეს მსგავსი ქმედებები. ჯიშკარიანმა უკვე მიმართა სახალხო დამცველს და აპირებს, მიმართოს დიპლომატიურ კორპუსსაც.

როგორც არასამთავრობო ორგანიზაცია ემპათიის ადვოკატი აცხადებს, მიხეილ რამიშვილის სამუშაო ოფისთან მიმდინარეობს უკანონო თვალთვალი და ფოტო-ვიდეო გადაღება. ხოლო ცენტრ ემპათიასა და მისი პრეზიდენტი მიმართ კი პრო სახელისუფლებო ექსპერტების მიერ სატელევიზიო ეთერების მეშვეობით თავდასხმები ხორციელდება. მათივე განცხადებით, გააქტიურებულია ასობით სამთავრობო ტროლებისა და ბოტების არაავთენტური, კოორდინირებული ქცევა.

"ეს თვადასხმები, თვალთვალი, პირადი შეურაცხყოფები იმისთვისაა, რომ საზოგადოებას დაანახონ და ჩვენ კითხვებიც აღარ გაგვიჩნდეს. იმისთვისაა, რომ ყველანაირად შეგვეშალოს ხელი", — აღნიშნა მიხეილ რამიშვილმა.