ნეტფლიქსზე მალე ახალი გერმანულენოვანი პროექტი გახდება ხელმისაწვდომი. Biohackers საი-ფაი თრილერის ჟანრის სერიალია, რომელიც ახალგაზრდა გოგოზე, მიაზე, მოგვითხრობს.

მია სამედიცინო კოლეჯში სწავლას იწყებს. როცა იგი პროფესორ ლორენცს დაუახლოვდება, რომელსაც მსოფლიოს მომავლის შექმნა პირად პასუხისმგებლობად მიაჩნია, აშკარა ხდება, რომ იგი საიდუმლოს მალავს — საიდუმლოს, რომელიც მისი ოჯახის წარსულ ტრაგედიასთანაა კავშირში და სამყაროს ბედის შეცვლაც კი შეუძლია. სულ მალე მია სინთეტიკური ბიოლოგიის და გენეტიკური ექსპერიმენტების ბნელ სამყაროში აღმოჩნდება და მაყურებელი მისი პერსპექტივიდან დაიწყებს ფარულ რეალობაში გარკვევას.

მიუხედავად იმისა, რომ სერიალზე ჯერჯერობით ბევრი არაფერი ვიცით, ტრეილერიდან შექმნილი შთაბეჭდილებით იგი შავ სარკეს და მატრიცას მოგვაგონებს.

სერიალის რეჟისორი Girlboss-ის შემქმნელი კრისტიან დიტერია, მთავარ როლებს კი ლუნა ვედლერი, ჯესიკა შვარცი და ადრიან იულიუს ტილმანი ასრულებენ.

Biohackers-ის ყურება ნეტფლიქსზე 20 აგვისტოდან იქნება შესაძლებელი.