23 ივლისს 20:00 საათზე ყველა მსურველს საშუალება მიეცემა, ვირტუალურად დაესწროს მსახიობ ნინო კასრაძის სესიას თიბისის Facebook გვერდის დახმარებით.

ლაივ-ჩართვა დიალოგის რეჟიმში ჩატარდება, მისი მოდერატორი მწერალი, ნესტან-ნენე კვინიკაძე იქნება.

სესიის, "აქ.ახლა — ხელოვანი თანამედროვე სამყაროში", ფარგლებში მსახიობი თავისი პროფესიის თავისებურებებზე და მისთვის აუცილებელ თვისებებზე, განვლილ შემოქმედებით გზაზე, თანამედროვე სამყაროში ადგილის ძებნის სირთულეზე, კინოსა და თეატრს შორის სხვაობაზე და ყოველდღიურ ცხოვრებაში პოეზიის მნიშვნელობაზე ისაუბრებს.