დღეს, 14 მაისს, პარლამენტმა საკონსტიტუციო სასამართლოს შესახებ კანონში ცვლილებები მესამე მოსმენით, 81 ხმით მიიღო.

ცვლილებების თანახმად:

  • სასამართლოს თავჯდომარის წარგდენის უფლება საკონსტიტუციო სასამართლოს ექნება. თავჯდომარის კანდიდატურას საკონსტიტუციო სასამართლოს მოსამართლეები წარადგენენ და მის შერჩევაში პრეზიდენტი, პარლამენტისა და უზენაესი სასამართლოს თავჯდომარეები მონაწილეობას აღარ მიიღებენ.
  • საკონსტიტუციო სასამართლოს თავჯდომარედ და მის მოადგილედ პირის მეორე ვადით შერჩევა არ იქნება შესაძლებელი.
  • საკონსტიტუციო სასამართლოს ყველა წევრის ფიცის დადებიდან ან საკონსტიტუციო სასამართლოს თავმჯდომარის უფლებამოსილების ვადაზე ადრე შეწყვეტიდან არა უგვიანეს ერთი თვისა, პლენუმის სხდომა ჩატარდება, რომელიც 5-წლის ვადით აირჩევს საკონტიტუციო სასამართლოს თავმჯდომარეს. ამავე წესით აირჩევს მის ორ მოადგილეს.
  • საკონსტიტუციო სასამართლოს გადაწყვეტილება ძალაში მისი სრულად გამოცხადებისა და სასამართლოს ვებ-გვერდზე ატვირთვის შემდეგ შევა.
  • საკონსტიტუციო სასამართლოს პლენუმის მიერ გადაწყვეტილების მიღების კვორუმი 2/3-მდე გაიზრდება.

დღევანდელ კენჭისყრას არ დაესწრნენ ნაციონალური მოძრაობის წარმომადგენლები და ოპოზიციური ფრაქციის წევრები. სწორედ ბოლო საკითხმა გამოიწვია ოპოზიციის პროტესტი.

უმრავლესობის განცხადებით, აღნიშნული ცვლილებები ვენეციის კომისიას დღესვე გადაეგზავნება იმისთვის, რომ კომისიისგან რეკომენდაციები მიიღონ.