თურქეთის პრეზიდენტმა, რეჯეპ ტაიპ ერდოღანმა აია-სოფიას მეჩეთად გადაკეთების განკარგულებას ხელი უკვე მოაწერა. ეს მას შემდეგ გახდა შესაძლებელი, რაც კულტურული მემკვიდრეობის ძეგლს სასამართლომ მუზეუმის სტატუსი გააუქმა.

როგორც ერდოღანმა განაცხადა აია-სოფია მომლოცველებისთვის გაიხსნება და მისი ადმინისტრირება რელიგიის საკითხთა უწყებას გადაეცემა.

აია-სოფიას ტაძარი ქრისტიანული ბიზანტიის იმპერიისა და მუსლიმური ოსმანთა იმპერიის მთავარი სალოცავი იყო, ხოლო შემდგომში უკვე, თანამედროვე თურქეთის დროს ტურისტების მხრიდან ყველაზე ნახვადი კულტურული ძეგლი გახდა.

აღნიშნული გადაწყვეტილება ბევრისთვის სადაოა. აია-სოფია ბიზანტიის იმპერიის დროს, 1 500 წლის წინ როგორც მართლმადიდებლური ტაძარი აშენდა. კონსტანტინოპოლის დაცემის შემდეგ ოსმანთა იმპერიაში ტაძარი მეჩეთად გადაკეთდა. თანამედროვე თურქეთის დამფუძნებელმა, ქემალ ათათურქმა აია-სოფიას მუზეუმის სტატუსი მიანიჭა.

აია-სოფიას ტაძარი Unesco-ს მსოფლიო მემკვიდრეობის სიაში. მანამდე ორგანიზაცია თურქეთის ხელისუფლებას მოუწოდებდა, რომ ძეგლისთვის სტატუსი არ შეეცვალათ.

თურქეთში ისლამისტები დიდი ხანი ითხოვენ, რომ აია-სოფია ისევ მეჩეთად გადაკეთდეს, თუმცა ოპოზიცია მუდამ ამის წინააღმდეგ გამოდიოდა. ამჯერად ძეგლისთვის სტატუსის ცვლილებაზე საუბარია პრეზიდენტმა, რეჯეპ ტაიპ ერდოღანმა.

მისმა გადაწყვეტილებამ დიდი კრიტიკა გამოიწვია როგორც რელიგიურ, ისე პოლიტიკურ ლიდერებს შორის. საქართველოს მართლმადიდებელი ეკლესიის საპატრიარქოც თურქეთს მოუწოდებდა, რომ აია-სოფია კვლავ მუზეუმად დარჩენილიყო.