გამოცდების ეროვნული ცენტრის ხელმძღვანელის, სოფო გორგოძის თქმით, საქართველოს მასშტაბით ორ აბიტურიენტს ჰქონდა მაღალი ტემპერატურა.

"გამოცხადდა აბიტურიენტების 93 პროცენტი. გვქონდა დაგვიანების ორი შემთხვევა. სარეზერვო სივრცეში განთავსდა ჯამში ოთხი აბიტურიენტი. მაღალი ტემპერატურის გამო 2 აბიტურიენტი არ დაუშვეს გამოცდაზე", — განაცხადა სოფო გორგოძემ.

სოფო გორგოძის თქმით, ორივე აბიტურიენტის შემთხვევაში ტემპერატურა 38-მდე იყო. ცენტრის ხელმძღვანელმა განაცხადა, რომ კონფიდენციალურია ინფორმაციაა, თუ სად იყო ეს შემთხვევები.

ქართულ ენასა და ლიტერატურაში გამოცდა უკვე ერთ საათზე მეტია მიმდინარეობს. გორგოძე ამბობს, რომ ამ ეტაპამდე სხვა დარღვევა არ დაფიქსირებულა.