ცოტა ხნის წინ ლექსი მაგნუსონმა ახალი მეზობლის გაცნობა გადაწყვიტა. საუბარი სასიამოვნოდ მიმდინარეობდა, სანამ თანამოსაუბრე სხვა მეზობლების ორიენტაციით არ დაინტერესდა. მან იკითხა, მართლა ჰყავდათ თუ არა დასახლებაში გეი წყვილები. მას შემდეგ, რაც ახალმა მეზობელმა გაიგო, რომ მახლობლად ლესბოსელი წყვილი ცხოვრობდა, აღშფოთება ვერ დამალა.

მეზობლად მცხოვრები ლესბოსელი წყვილი ამის შემდეგ ყოველდღე ისმენდა აგრესიული მაცხოვრებლისგან ლანძღვასა და მუქარას.

წყვილს ამაზე არანაირი რეაქცია არ ჰქონია, მაგრამ ლექსი მაგნუსონმა გადაწყვიტა, ხმა ამოეღო. მან საახალწლოდ ეზო ცისარტყელას ფერებში გაანათა და განაცხადა, რომ ეს პროტესტია იმ ადამიანების მიმართ, ვინც მუდმივად ამცირებს, განსჯის და ავიწროებს სხვებს.

"ჩვენმა ახალმა მეზობელმა გვითხრა, რომ გეი და ტრანსგენდერი ხალხისგან თვს დაუცველად გრძნობდა. მათზე გამუდმებით ისე საუბრობს, როგორც ავადმყოფ ხალხზე. მას შემდეგ, რაც მისი საქციელი ზღვარს გადავიდა, მივმართე პასიურ აგრესიას 10 000 სინათლის სახით".

"მე ჩემს შვილებს ვასწავლი, რომ სინათლე ყოველთვის ამარცხებს სიბნელეს" - ამბობს ლექსი.